დღის თემა

რითი იზიდავდა საზოგადოებას საქართველოს დამოუკიდებლობის 100 წლისთავისათვის მოწყობილი საუნივერსიტეტო კუთხე

26 მაისს, საქართველოს დამოუკიდებლობის დღეს, საქართველოს პირველი დემოკრატიული რესპუბლიკის 100 წლის იუბილე ასწლოვანმა პირველმა ქართულმა უნივერსიტეტმა სხვადასხვა ღონისძიებებით აღნიშნა – პირველი გიმნაზიის მიმდინარე ტერიტორიაზე საგამოფენო სივრცე მოეწყო, სადაც თსუ-ის დაფუძნების, პირველი დემოკრატიული რესპუბლიკის ისტორიისა და 1918-1921 წლების განათლების სისტემის ამსახველი დოკუმენტები და ფოტომასალა იყო წარმოდგენილი; არქეოლოგიური გათხრების იმიტაცია განსაკუთრებით საინტერესო აღმოჩნდა ბავშვებისთვის, ასევე, მათთვის მუშაობდა საბავშვო ლაბორატორია – „სახალისო ქიმია“, დამთვალიერებლებს შეეძლოთ ენახათ ვირტუალური რეალობა, მინერალოგიის მუზეუმის უნიკალური კოლექცია, თსუ-ის არქეოლოგიურ ექსპედიციებში აღმოჩენილი არტეფაქტები.

   

„ვაჩვენებთ რამდენიმე სახალისო ექსპერიმენტს, მაგალითად, როგორ იღებენ სისხლს კინოინდუსტრიაში; ექსპერიმენტს – სახელად „ეგვიპტური ღამე“; სხვადასხვა საინტერესო ტუტეების, მჟავეების შერევის პროცესს... ფერების ცვლა ბავშვებს იმდენად მოსწონთ, რომ მარაგი თითქმის გამოგველია“, – გვითხრა სან დიეგოს უნივერსიტეტის სტუდენტმა სოფიკო მაღლაკელიძემ. 
„მინერალოგიის კუთხით უნივერსიტეტს სულ 7 000 ნიმუში აქვს, აქ მათი ნაწილი წარმოვადგინეთ“, – აღნიშნა გეოლოგიის დეპარტამენტის ხელმძღვანელმა, პროფესორმა ბეჟან თუთბერიძემ. 
„პატარა დამთვალიერებლები უფრო ქვიშით ინტერესდებიან, ძალიან ერთობიან „იმიტირებული არქეოლოგიური გათხრების“ პროცესით, სილამაზის მხრივ კი ინტერესს მინერალოგიის მუზეუმის გამოფენა იწვევს“, – გვითხრა ასისტენტ-პროფესორმა მარიამ ახალკაციშვილმა.

„ყველა მსურველს ვირტუალურ სამყაროში ვამოგზაურებთ, ვანახებთ რა შესაძლებლობები აქვს ნანოტექნოლოგიებს“, – აღნიშნა თსუ-ის საინფორმაციო ტექნოლოგიების დეპარტამენტის მთავარმა სპეციალისტმა ირინე ჭონქაძემ. 
თსუ-მ დამთვალიერებლებს შესაძლებლობა მისცა კლდეზე ცოცვის „აი-ია“-საც გასცნობოდნენ. ამისათვის სპეციალური ადგილი თსუ-ის საგამოფენო სივრცისგან შედარებით მოშორებით, სასტუმრო „რედისონ ბლუ ივერიის“ მიმდებარე ტერიტორიაზე მოეწყო. ეს ღონისძიებაც სიმბოლური გახლდათ, რადგან ქართული ალპინიზმისა და საუნივერსიტეტო სპორტის ისტორია თსუ-ის კლუბ „შევარდენით“ იწყება.

26 მაისს გამოვლინდა ინტელექტუალური და აქტიური შემეცნებით-სათავგადასავლო თამაშში – City Game გამარჯვებული გუნდები. თამაში საქართველოს პირველი დემოკრატიული რესპუბლიკის 100 წლის იუბილესთან დაკავშირებით თბილისის სახელმწიფო უნივერსიტეტის ორგანიზებით გაიმართა. ორდღიანი ინტელექტუალური თავგადასავლის განმავლობაში თითოეულმა ჯგუფმა 26 შეკითხვაზე პასუხი მოიძია და 26 სახალისო დავალება შეასრულა. სათავგადასავლო თამაშის (City Game) გამარჯვებულები თსუ-ის რექტორმა გიორგი შარვაშიძემ დააჯილდოვა.

 

„წელს საინტერესო თამაში გვქონდა, 100-ზე მეტმა გუნდმა მიიღო მონაწილეობა. პირველ ადგილზე გავიდა ეკონომიკისა და ბიზნესის ფაკულტეტის გუნდი, მეორეზე კი სოციალურ და პოლიტიკურ მეცნიერებათა ფაკულტეტის გუნდი. გამარჯვებულები დაჯილდოვდნენ ფულადი და სხვადასხვა სახალისო წამახალისებელი საჩუქრებით. 
საქართველოს პირველი დემოკრატიული რესპუბლიკის 100 წლის იუბილესთან დაკავშირებით თსუ-მ თარგმნა და გამოსცა 6 საინტერესო წიგნი, რომელიც პირველი დემოკრატიული რესპუბლიკის ისტორიას ასახავს, ასევე წარმოვადგინეთ გამოფენა, სადაც თბილისის სახელმწიფო უნივერსიტეტის წესდების პირველი ვერსია, პირველი პროფესურის შესახებ ინფორმაციაა წარმოდგენილი და ა.შ. აღსანიშნავია, რომ უნივერსიტეტის პირველი წესდების მთავარ პრინციპებად აღიარებულია აკადემიური თავისუფლება და უნივერსიტეტის ავტონომია, რაც დღესაც ძალიან თანამედროვედ ჟღერს. საქართველოს პირველი დემოკრატიული რესპუბლიკა კი იყო მრავალპარტიული დემოკრატიული რესპუბლიკა, რომელიც ეროვნულ ფასეულობებზე იდგა, ამიტომაც იყო მიუღებელი საბჭოთა ისტორიოგრაფებისთვის და გვეუბნებოდნენ, რომ პირველი დემოკრატიული რესპუბლიკა იყო მენშევიკური პროექტი“, – განაცხადა თსუ-ის რექტორმა გიორგი შარვაშიძემ. 

„ამ ორი დღის განმავლობაში ბევრნაირი ემოცია განვიცადეთ – სიხარული, წარმატება, იმედგაცრუება... მაგრამ გამარჯვების ემოციამ ყველაფერი გადაფარა. თამაში თავგადასავლებით იყო სავსე და ბევრი რამ გავიგეთ საქართველოს პირველი დემოკრატიული რესპუბლიკის შესახებ“, – აღნიშნა ეკონომიკისა და ბიზნესის ფაკულტეტის სტუდენტმა ნინი ფურცხვანიძემ. 
საქართველოს პირველი რესპუბლიკის 100 წლის იუბილეზე ასწლოვანი უნივერსიტეტის საგამოფენო სივრცე ხელისუფლების წარმომადგენლებმაც დაათვალიერეს.

„სიმბოლურია, რომ საქართველოს პირველ დემოკრატიულ რესპუბლიკასა და პირველ ქართულ უნივერსიტეტს 100 წელი შეუსრულდა. 100 წლის წინ ჩვენმა წინაპრებმა მნიშვნელოვანი გადაწყვეტილება მიიღეს, რომ საქართველო დაბრუნებოდა თავის ევროპულ წიაღს. ბუნებრივია, ამ ყველაფერში თბილისის სახელმწიფო უნივერსიტეტმა თავისი უნიკალური როლი შეასრულა. სამწუხაროდ, საბჭოთა ოკუპაციამ არ მისცა საშუალება, რომ ეს მისია ბოლომდე შეესრულებინათ. ახლა ეს ვალდებულება ჩვენს თაობას აკისრია, უნდა გავზარდოთ ისეთი თაობები, რომლებიც თავისუფლების იდეას ბოლომდე მიიყვანენ“, – განაცხადა საქართველოს ფინანსთა მინისტრმა მიხეილ ჯანელიძემ. 

„ორი 100 წელი – 100 წელი თსუ-ის დაფუძნებიდან და 100 წელი საქართველოს პირველი რესპუბლიკის დამოუკიდებლობიდან – მართლაც, მნიშვნელოვანი თარიღებია. განსაკუთრებით ამაყი ვარ იმით, რომ ჩვენი უნივერსიტეტი თანამედროვე საქართველოზე სამი თვით უფროსია. მინდა, მივულოცო ყველა უნივერსიტეტელსა და სრულიად საქართველოს. წარმატებული ქვეყნის წარმატებული მოქალაქეები ვყოფილიყავით“, – განაცხადა თსუ-ის პროფესორმა, საქართველოს კონკურენციის სააგენტოს თავმჯდომარემ ნოდარ ხადურმა. 
შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი თსუ-ის საგამოფენო სივრცის დასათვალიერებლად საოკუპაციო ხაზთან მცხოვრებ ბავშვებთან ერთად მივიდა. 
„ჩვენ, რა თქმა უნდა, გავაგრძელებთ ბრძოლას თავისუფლებისა და დამოუკიდებლობისათვის მშვიდობიანი, შერიგების თანმიმდევრული პოლიტიკით. სრულიად დარწმუნებული ვარ, მომავალში ბევრ 26 მაისს შევხვდებით, როგორც ერთიანი ქვეყანა, და სრულად შევიგრძნობთ თავისუფლებას. ეს ბავშვები სკოლის მოსწავლეები არიან და, უპირველესად, განათლება აინტერესებთ, ამიტომაც მოვედით თსუ-ის გამოფენაზე. მათ უნდა ნახონ - რა სიახლეებს სთავაზობს უნივერსიტეტი, რადგან ყველაზე სწორი ინვესტიცია – ხარისხიანი განათლებაა“, – განაცხადა ქეთევან ციხელაშვილმა. 
„განათლებისა და მეცნიერების განვითარების გარეშე დამოუკიდებელი და სრულყოფილი სახელმწიფოს შექმნა შეუძლებელია. მინდა, იმედი გამოვთქვა, რომ ამ ვექტორით განვითარდება საქართველო მომავალი 100 წლის მანძილზე“, – ეს კი, 26 მაისს, შვედეთის ლუდნის უნივერსიტეტის პროფესორმა, ქართული უნივერსიტეტის საზოგადოების ხელმძღვანელმა ზაალ კოკაიამ განაცხადა და თსუ-ის მიმართ საკუთარ დამოკიდებულებაზეც ისაუბრა.

„ჩემი ადგილი თუ არის საქართველოში, ჩემი ადგილი ასევე არის უნივერსიტეტში, რადგან თსუ ჩემი ალმა მატერია, აქ ჩამოვყალიბდი როგორც პიროვნება, როგორც მეცნიერი. ყველაფერი, რასაც ვაკეთებ და გავაკეთებ, მინდა დავუკავშირო უნივერსიტეტს. ჩემი გამოცდილებისა და კომპეტენციის ფარგლებში ყოველთვის ვცდილობ, დავუბრუნო ის, რაც მისგან მივიღე“, – აღნიშნა ზაალ კოკაიამ. 

26 მაისს თბილისის სახელმწიფო უნივერსიტეტის საგამოფენო სივრცე ამბროლაურშიც მოეწყო.

ვრცლად

თსუ-ში ევროპის აკადემიის წარმომადგენლობა გაიხსნება

ივანე ჯავახიშვილის სახელობის თბილისის სახელმწიფო უნივერსიტეტში ევროპის აკადემიის რეგიონული წარმომადგენლობა 2018 წლის სექტემბერში ოფიციალურად გაიხსნება. ამის შესახებ შეთანხმებას თსუ-ის რექტორმა გიორგი შარვაშიძემ და ევროპის აკადემიის პრეზიდენტმა ზირდ კლოტინკმა მოაწერეს ხელი.
მემორანდუმის თანახმად, თბილისის სახელმწიფო უნივერსიტეტში გაიხსნება ევროპის აკადემიის რეგიონული ჰაბი, რომლის მიზანია კავკასიის რეგიონში მეცნიერებისა და კვლევის განვითარების ხელშეწყობა. ეს არის ევროპის აკადემიის პირველი ფილიალი, რომელიც ევროგაერთიანების არაწევრ ქვეყანაში იხსნება. თბილისის სახელმწიფო უნივერსიტეტში აგრეთვე ამოქმედდება ახალგაზრდა მეცნიერთა აკადემია, სადაც ახალგაზრდა მეცნიერებს შეეძლებათ ჩაერთონ საერთაშორისო კვლევით პროექტებში და მიიღონ საგრანტო დაფინანსება.
როგორც მხარეებმა აღნიშნეს, თბილისის სახელმწიფო უნივერსიტეტსა და ევროპის აკადემიას შორის თანამშრომლობა იქნება ნიშანი აკადემიური და სამეცნიერო საზოგადოებებისთვის – გააფართოონ ევროპის აკადემიური საზოგადოების როლი ორმხრივი თანამშრომლობის ფარგლებში და განავითარონ ევროპული კვლევითი სივრცე.

„ხელი მოეწერა მემორანდუმს თბილისის სახელმწიფო უნივერსიტეტსა და ევროპის აკადემიას შორის, რომლის საფუძველზეც თბილისის სახელმწიფო უნივერსიტეტში გაიხსნება ევროპის აკადემიის რეგიონალური წარმომადგენლობა. ჰაბის ძირითადი მიმართულება იქნება ფუნდამენტური კვლევები და გამოყენებითი მეცნიერება. ეს არის უპრეცედენტო შემთხვევა, რადგან ევროპის აკადემიის ფილიალი პირველად იხსნება ევროგაერთიანების არაწევრ ქვეყანაში, რაც სასიხარულო და საამაყოა ჩვენთვის“, – განაცხადა თსუ-ის რექტორმა გიორგი შარვაშიძემ. როგორც რექტორმა აღნიშნა, თსუ ასევე გახდება მეცნიერებისა და ტექნოლოგიების ევროპული თანამშრომლობის (COST) წევრი.
ევროპის აკადემიის პრეზიდენტის ზირდ კლოტინკის თქმით, „დღეს ჩვენ ხელი მოვაწერეთ „ცოდნის კერის“ ჩამოყალიბების საინიციატივო წერილს, რომელიც ემთხვევა თსუ-ის 100 წლის იუბილეს. ეს გახსნის თანამშრომლობის პერსპექტივებს მკვლევართა შორის მსოფლიოს სხვადასხვა ქვეყნებიდან, მოგვცემს ბევრ აქტივობას, რომელიც გვასწავლის ახლო პარტნიორობას სხვადასხვა ორგანიზაციებთან. ეს ორგანიზაცია დგას ძლიერი საზოგადოების მხრებზე“.
მემორანდუმის ხელმოწერას ესწრებოდნენ ევროპის კვლევების საბჭოს ვიცე-პრეზიდენტი ევა კონდოროსი და ოქსფორდის უნივერსიტეტის პროფესორი ალექს ვეხრაცკი.

ვრცლად

როგორ ხვდება მომავალ სასწავლო სემესტრს თბილისის სახელმწიფო უნივერსიტეტი?

გუშინ, დღეს, ხვალ
სულ ცოტა ხნის წინ საუნივერსიტეტო საზოგადოებას ადმინისტრაციის ხელმძღვანელმა გასული წლის გაწეული მუშაობის შესახებ ანგარიში წარუდგინა.
რა პრიორიტეტები გამოიკვეთა 2017 წელს და როგორ ხვდება მომავალ სასწავლო სემესტრს თბილისის სახელმწიფო უნივერსიტეტი? – ამის შესახებ გაზეთ „თბილისის უნივერსიტეტს“ თსუ-ის ადმინისტრაციის ხელმძღვანელი ქალბატონი ნუნუ ოვსიანიკოვა ესაუბრა.

– ქალბატონო ნუნუ, რა იყო თბილისის სახელმწიფო უნივერსიტეტის ადმინისტრაციისთვის გასული წლის ძირითადი პრიორიტეტები?
– უნივერსიტეტის ადმინისტრაცია მოქმედებს სტრატეგიული განვითარების სამოქმედო გეგმის შესაბამისად, რაც, პირველ რიგში, სტუდენტის, აკადემიური და სამეცნიერო პერსონალის საჭიროებებზე ორიენტირებულ ადმინისტრირებას გულისხმობს. განსაკუთრებით მნიშვნელოვანია სტუდენტური ცხოვრების გაუმჯობესებაზე ზრუნვა. სტუდენტების ინტერესების გათვალისწინება, მათი პრობლემების გადაჭრა ადმინისტრაციის უპირველესი ამოცანაა. ჩვენი ორიენტირებია: ღიაობა, ინოვაციურობა, გამჭვირვალობა.
გასულ წელს დიდი ყურადღება დაეთმო უნივერსიტეტის ინფრასტრუქტურის განვითარებას, ადმინისტრირების ინოვაციური მეთოდების დანერგვას, საგანმანათლებლო და სამეცნიერო-კვლევითი საქმიანობის ხელშეწყობას. ამ ამოცანების გადაწყვეტა კი შესაძლებელია მხოლოდ სათანადო ფინანსური უზრუნველყოფის შემთხვევაში. შესაბამისად, უპირველეს ყოვლისა, უნდა გაგვეანალიზებინა – თუ რა რესურსებს ვფლობდით და როგორ უნდა გადაგვეწყვიტა, მწირი ბიუჯეტის პირობებში, დასახული ამოცანები. სამწუხაროდ, გვიწევს იმ ფაქტის კონსტატაცია, რომ ბოლო წლებში ფიქსირდება უნივერსიტეტის ეკონომიკური შემოსავლის შემცირების ტენდენცია.
– რამ განაპირობა ეკონომიკური შემოსავლის შემცირება?
– როგორც მოგეხსენებათ, უნივერსიტეტის შემოსავლის ერთ-ერთ ძირითად წყაროს სტუდენტების მიერ გადახდილი სწავლის საფასური წარმოადგენს. ამ შემოსავლებით ფინანსდება აკადემიური, ადმინისტრაციული, დამხმარე პერსონალის შრომის ანაზღაურება, კომუნალური გადასახადები, საგადასახადო გადასახადები, ოფისის ხარჯები, მივლინებები, სახელმწიფო შესყიდვები და სხვა.
უნივერსიტეტის ბიუჯეტის დამტკიცებისას არაერთხელ აღვნიშნავდი, რომ ფინანსური რესურსების კუთხით რთული მემკვიდრეობა გვერგო. არსებობდა შემოსავლის შემცირების ტენდენცია, რომელიც რამდენიმე ფაქტორით იყო განპირობებული. კერძოდ, ბოლო წლებში შემცირდა აქტიური და სასწავლო გრანტის მქონე სტუდენტების რაოდენობა. გარკვეულწილად, შემოსავლის შემცირება განაპირობა პროგრამული დაფინანსების წესში შეტანილმა ცვლილებებმაც – უკვე აღარ ფინანსდებიან პროგრამული დაფინანსების ფარგლებში სახელმწიფო სასწავლო გრანტის მქონე სტუდენტები, რამაც გამოიწვია 2017/2018 სასწავლო წელს ჩარიცხული სტუდენტებიდან შემოსავლის შემცირება 900 000 ლარის ფარგლებში. ასეთ პირობებში კი, გარდამავალი ნაშთის ხარჯზე, ხარჯები შემოსავალზე მეტი იყო. ამან, თავის მხრივ, გამოიწვია გარდამავალი ნაშთის თანდათანობითი შემცირება, რამაც უნივერსიტეტის ფინანსურ მდგრადობას გარკვეული საფრთხე შეუქმნა.
– რა გზები დაისახა ამ პირობებში უნივერსიტეტის ფინანსური უზრუნველყოფისთვის?
– მოცემულ ეტაპზე ფინანსური მდგომარეობის გაუმჯობესების რამდენიმე გზაა: გაიზარდოს შემოსავალი, მოვახდინოთ ხარჯების ეკონომია, მოვიზიდოთ სახსრები გარე წყაროებიდან და მოვახდინოთ არსებული რესურსების კომერციალიზაცია. სწავლის საფასურის ოდენობის გაზრდა არ არის გამოსავალი. უფრო მეტიც, უნივერსიტეტის ხელმძღვანელობის გადაწყვეტილებით და სტუდენტების სოციალური მდგომარეობის გათვალისწინებით (თუ როგორ უჭირთ სწავლის გადასახადის სრული ოდენობით გადახდა), დავუშვით შესაძლებლობა, რომ სტუდენტებს მათ მიერ შედგენილი გრაფიკის მიხედვით გადაეხადათ სწავლის სემესტრული საფასური. მართალია, სტუდენტების ფინანსური დავალიანება 5 მილიონ ლარს აღემატება, მაგრამ 4000-მდე სტუდენტს კიდევ ერთხელ მიეცა შანსი სწავლის გაგრძელებისა, რაც, ვფიქრობთ, უნივერსიტეტის მხრიდან მათთვის დიდი ხელშეწყობაა.
შექმნილ პირობებში აუცილებელია სახელმწიფო დონეზე დაფინანსების ამჟამად არსებული წესისა და პირობების შეცვლა. პროცესი ჩვენზე არაა დამოკიდებული, თუმცა უნივერსიტეტის ხელმძღვანელობა აქტიურადაა ჩართული აღნიშნული საკითხის გადაწყვეტაში და იმედი უნდა ვიქონიოთ, რომ პრობლემა უახლოეს დროში მოგვარდება.
ამგვარი არამყარი ფინანსური რესურსების პირობებში ჩვენთვის განსაკუთრებული მნიშვნელობა შეიძინა ხარჯების ეკონომიამ და სახსრების გარე წყაროებიდან მოზიდვამ. ამ გზით 2017 წელს, 2016 წელთან შედარებით, 3%-ით შემცირდა მივლინების, ხოლო 18%-ით წარმომადგენლობითი და ადმინისტრაციული ხარჯები. ამასთან, უნივერსიტეტის ინფრასტრუქტურის განვითარებისათვის სახელმწიფო ბიუჯეტიდან მივიღეთ 6 მილიონ ლარზე მეტი. გარდა აღნიშნულისა, უნივერსიტეტმა მოიპოვა 102 საგრანტო პროექტი, მათ შორის 8 – საერთაშორისო გრანტებიდან. გრანტებით მოზიდული თანხები 12 მილიონ ლარს აღემატება. Aასევე მიმდინარეობს აქტივობები არსებული რესურსების კომერციალიზაციისათვის.
– რომელ პრიორიტეტულ მიმართულებებს მოხმარდა ეკონომიის ხარჯზე მიღებული სახსრები და რა გაკეთდა უნივერსიტეტის მატერიალურ-ტექნიკური ბაზის გაუმჯობესებისთვის?
– ხარჯების ეკონომიით მიღებული სახსრები, ძირითადად, მიმართული იქნა სარემონტო სამუშაოებისა და მატერიალურ-ტექნიკური ბაზის განვითარებისათვის. განისაზღვრა ჩასატარებელი სამუშაოების პრიორიტეტები. კერძოდ, ბიოლოგების კორპუსში ჩატარდა გადახურვის სამუშაოები, დასრულდა მაღლივი კორპუსის ფანჯრების გამოცვლა, სასწავლო კორპუსებში გარემონტდა აუდიტორიები, კაბინეტები, ლაბორატორიები, სველი წერტილები და სხვა. ინფრასტრუქტურაზე და მატერიალურ-ტექნიკური ბაზის განახლებაზე საანგარიშო პერიოდში, სულ, 3 მილიონ ლარზე მეტი დაიხარჯა.
გარდა აღნიშნულისა, 2017 წლის ბოლოს საქართველოს განათლებისა და მეცნიერების სამინისტროსთან, საგანმანათლებლო და სამეცნიერო ინფრასტრუქტურის პროგრამების ფარგლებში, გაფორმდა ხელშეკრულებები და 5 829 877 ლარი გამოიყო უნივერსიტეტის მეორე კორპუსის სარემონტო სამუშაოებისათვის, ასევე გამოყოფილია 577 629 ლარი ეკონომიკის საერთაშორისო სკოლის სარემონტო სამუშაოებისა და აღჭურვისათვის და 323 788 ლარი რაფიელ აგლაძის არაორგანული ქიმიისა და ელექტროქიმიის ინსტიტუტის სარემონტო სამუშაოებისათვის.
მნიშვნელოვანი ნაბიჯები გადაიდგა საინფორმაციო ტექნოლოგიების სრულყოფის მხრივ. მომზადდა ტექნიკური დოკუმენტაცია და შესრულდა წინასწარი სამუშაოები სატელეფონო ინფრასტრუქტურის ციფრულით სრულად ჩანაცვლებისათვის, რაც საკომუნიკაციო ხარჯებს 75%-მდე შეამცირებს. დაინერგა ინტერნეტ-როუმინგის საერთაშორისო სისტემა. 2017 წლის განმავლობაში შეძენილ და დამონტაჟებულ იქნა 300-მდე კომპიუტერული, 100-ზე მეტი საბეჭდი მოწყობილობა, 35 აუდიტორია აღიჭურვა პროექტორით, ეკრანით და ა.შ.
აქვე მინდა მადლობა ვუთხრა უნივერსიტეტის თითოეულ თანამშრომელს არსებული ფინანსური რეალობის გათავისების, თანადგომისა და მხარდაჭერისთვის, რამაც საშუალება მოგვცა – ადმინისტრაციული ხარჯების ეკონომიით გამოთავისუფლებული თანხა მთლიანად მიმართულიყო უნივერსიტეტის სრულყოფილად ფუნქციონერებისათვის აუცილებელი მატერიალურ-ტექნიკური ბაზის გასაუმჯობესებლად.
– უნივერსიტეტის საგანმანათლებლო საქმიანობის ერთ-ერთი მნიშვნელოვანი ასპექტია მეცნიერებაზე ზრუნვა და საერთაშორისო ურთიერთობების გაღრმავება. რა საქმიანობა გასწია ამ მიმართულებით ადმინისტრაციამ და რა შედეგები გვაქვს ინტერნაციონალიზაციის ხელშეწყობის მხრივ?
– ინტერნაციონალიზაციის ხელშეწყობის მიზნით სხვადასხვა უცხოურ უმაღლეს საგანმანათლებლო დაწესებულებებთან შემუშავდა აკადემიური თანამშრომლობის ფორმატი. საანგარიშო პერიოდში განათლებისა და კულტურის სფეროში ურთიერთთანამშრომლობის 23 ხელშეკრულება გაფორმდა. განსაკუთრებული ყურადღება ეთმობოდა ერთობლივ პროგრამებს. ამჟამად უნივერსიტეტში მოქმედებს 22 უცხოენოვანი პროგრამა, რომელთაგან 7 პროგრამა გასცემს დიპლომს ორმაგი აკადემიური ხარისხით. სხვადასხვა ევროპულ უმაღლეს საგანმანათლებლო დაწესებულებასთან თანამშრომლობით მომზადდა და ევროკომისიაში დასაფინანსებლად წარვადგინეთ „ერაზმუს+“-ის საერთაშორისო კრედიტმობილობის 73 საერთაშორისო საგრანტო განაცხადი, რომელთაგან დაფინანსდა ნახევარზე მეტი. ასევე, გაიზარდა უცხოელი სტუდენტების რიცხვიც.
თბილისის სახელმწიფო უნივერსიტეტს ორმხრივი თანამშრომლობის ხელშეკრულება 200-მდე პარტნიორ უნივერსიტეტთან აქვს გაფორმებული და მათთან ერთად ხორციელდება სამეცნიერო-კვლევითი და სასწავლო პროექტები. გასული წლის განმავლობაში უნივერსიტეტში გაიხსნა რამდენიმე თანამედროვე კვლევითი-სამეცნიერო ლაბორატორია და 2018 წელსაც ვგეგმავთ ამ მიმართულებით აქტიურ მუშაობას.
რაც შეეხება სამეცნიერო-კვლევითი საქმიანობის ფინანსურ უზრუნველყოფას, გასულ წელთან შედარებით, სამეცნიერო-კვლევით საქმიანობაზე 2,5 მლნ ლარზე მეტი დაიხარჯა.
– როგორც თქვენ განაცხადეთ, გასულ წელს უნივერსიტეტის ადმინისტრაციის ერთ-ერთი პრიორიტეტული მიმართულება იყო სტუდენტური ცხოვრების ხელშეწყობა. კონკრეტულად რა გაკეთდა ამ კუთხით და რაში გამოიხატებოდა ადმინისტრაციის მხრიდან სტუდენტების მხარდაჭერა?
– სტუდენტების ინტერესების გათვალისწინება ადმინისტრაციის საქმიანობის პრიორიტეტია. უნივერსიტეტი მუდმივად ზრუნავს სტუდენტური კვლევების, შემოქმედებითი ინიციატივების ხელშეწყობაზე, მათი ცხოვრების პირობების გაუმჯობესებაზე. განსაკუთრებით აღსანიშნავია სტუდენტური ღონისძიებების მხარდაჭერა, რაც გულისხმობს სტუდენტური ინიციატივების წახალისებას; სამეცნიერო, კულტურული და სპორტული ღონისძიებების პროექტების დაფინანსებას თანასწორობის პრინციპებზე დაყრდნობით; სტუდენტების ბიზნეს-იდეების მხარდაჭერას. შემუშავდა სტუდენტური ღონისძიებების დაფინანსების წესი, რომელმაც პროცესი მაქსიმალურად გამჭვირვალე გახადა.
2017 წელს, სტუდენტური პროექტების დაფინანსების განმსაზღვრელი საბჭოს გადაწყვეტილებით, 780 000 ლარით დაფინანსდა 161 სტუდენტური პროექტი. მათ შორის, სამეცნიერო პროექტების დაფინანსებამ შეადგინა აღნიშნული პროექტის საერთო ბიუჯეტის 67%, ხოლო კულტურული და სპორტული ღონისძიებების სტუდენტური პროექტების დაფინანსებამ – 33%.
წარჩინებული სტუდენტები უზრუნველყოფილნი იყვნენ 150-ლარიანი სახელმწიფო სტიპენდიით. სემესტრულად 618 წარჩინებულ სტუდენტზე გაიცა 938 100 ლარის სახელმწიფო სტიპენდია. საუნივერსიტეტო დაფინანსებიდან 667 მაღალი აკადემიური შედეგების მქონე ბაკალავრიატისა და მაგისტრატურის წარჩინებული სტუდენტი დაფინანსდა.
სტუდენტთა გაცვლით პროგრამებში, სხვადასხვა სამეცნიერო კონფერენციებში, იმიტირებულ პროცესებში და სხვა ღონისძიებებში მონაწილეობის მისაღებად დაფინანსდა 234 სტუდენტი, 500 დოქტორანტს კი გაეწია სწავლის გადასახადის შეღავათი.
განხორციელდა თსუ-ის საბავშვო უნივერსიტეტის პროექტები, როგორც უნივერსიტეტში, ისე საქართველოს სხვადასხვა რეგიონში. აღსანიშნავია, აგრეთვე, სტუდენტური და თსუ-ის საბავშვო უნივერსიტეტის ერთობლივი პროექტი „თსუ დესპანის“ მიერ გაწეული საქმიანობაც.
აქვე მინდა აღვნიშნო, რომ გადმოგვეცა და ექსპლუატაციაში შევიდა 320-ადგილიანი თანამედროვე სტანდარტების სტუდენტური საერთო საცხოვრებელი.
– ჩვენი საუბარის შესაჯამებლად მკითხველს კიდევ ერთხელ მოვუთხროთ – თუ რა სამუშაოები იქნა განხორციელებული 2017 წელს ადმინისტრაციის წინაშე დასახული ამოცანების გადასაჭრელად?
– 2017 წელს ადმინისტრაციის მიერ განხორციელებული საქმიანობის შემდეგ ძირითად მიმართულებებს გამოვყოფდი. კერძოდ,
ინფრასტრუქტურის განვითარების კუთხით:
მაღლივ კორპუსში შეიცვალა ფანჯრები, კორპუსების მიხედვით შესრულდა სველი წერტილებისა და სახურავების სარემონტო სამუშაოები და დაიხარჯა 1 031 052 ლარი.
დაიწყო უნივერსიტეტის მეორე კორპუსისა და ეკონომიკის საერთაშორისო სკოლის სარეაბილიტაციო სამუშაოები.
გაუმჯობესდა უნივერსიტეტის აუდიტორიებისა და ლაბორატორიების მატერიალურ-ტექნიკური ბაზა და დაიხარჯა 1 370 022 ლარი.
ინფრასტრუქტურისა და მატერიალურ-ტექნიკური ბაზის სრულყოფისათვის ჩვენი სახსრებით განხორციელდა 3 344 238 ლარის სამუშაოები, ხოლო სახელმწიფოსაგან მივიღეთ 6 731 294 ლარი. გარდა ამისა, გადმოგვეცა 6 498 892 ლარის ღირებულების უძრავი და მოძრავი ქონება.
საქართველოს ეკონომიკისა და მდგრადი განვითარების სამინისტროსთან კოორდინირებულად გრძელდება უნივერსიტეტის ბალანსზე რიცხული სახელმწიფო კუთვნილებაში არსებული ქონების გადმოცემის პროცედურები.
საინფორმაციო ტექნოლოგიების განვითარების კუთხით:
დაინერგა საქმის წარმოების და დოკუმენტბრუნვის ელექტრონული სისტემა.
მაღლივ კორპუსში დასრულდა ქსელური ინფრასტრუქტურის მოდიფიკაცია. შეიცვალა ქსელების არქიტექტურა, ყველა აუდიტორიაში მოხდა ინტერნეტის ქსელის მიყვანა და სართულებზე დამონტაჟდა ინტერნეტთან წვდომის უსადენო მოწყობილობები.
დაინერგა სააუდიტორიო რესურსების მართვის ელექტრონული სისტემა. სტუდენტებისთვის შეიქმნა საერთო საცხოვრებლების ონლაინ რეგისტრაციის სისტემა.
ორგანიზაციული მართვის სისტემის უზრუნველსაყოფად:
აუდიტორულმა კომპანიამ „PriceWaterhouseCoopers“ წარმოადგინა დასკვნა უნივერსიტეტის ორგანიზაციული ეფექტიანობის ანალიზის შესახებ. აღნიშნულიდან გამომდინარე, დაისახა სამოქმედო გეგმა შედეგზე ორიენტირებული მენეჯმენტის უზრუნველსაყოფად და ეფექტიანობაზე დამყარებული ოპტიმალური ორგანიზაციული სტრუქტურის ჩამოსაყალიბებლად.
უზრუნველვყავით ავტორიზაციის სტატუსის მაძიებლის თვითშეფასების ანგარიშის მომზადებისათვის მასალების დამუშავება და წარდგენა.
სტუდენტური ცხოვრების კუთხით:
ლისის ტბაზე ფუნქციონირება დაიწყო სტუდენტთა კეთილმოწყობილმა საერთო საცხოვრებელმა და სტუდენტებს მიეცათ შესაძლებლობა იცხოვრონ კომფორტულ გარემოში;
აღსანიშნავია, რომ მოგვარდა სტუდენტების კვების საკითხი და უნივერსიტეტის სხვადასხვა კორპუსში ფუნქციონირება დაიწყო კვების ოთხმა ობიექტმა.
ბაგებისა და ლისის ტბის სტუდენტთა საერთო საცხოვრებელში ამოქმედდა კომპიუტერული რესურს-ცენტრი.
დამზადდა და სტუდენტებს გადაეცათ მრავალფუნქციური გამოყენების სტუდბილეთები.
გაიზარდა სტუდენტთა ჩართულობა უნივერსიტეტის ინსტიტუციურ გაცვლით პროექტებში და სტუდენტები გაიგზავნა დასავლეთ, ცენტრალური და აღმოსავლეთ ევროპის, ასევე ჩინეთის, სხვადასხვა 100-მდე უნივერსიტეტში.
სრულად დაფინანსდა „ერაზმუს+“-ის პროექტის ფარგლებში 222 სტუდენტი.
შეიქმნა ახალი ვებ-გვერდის კონცეფცია, რომელიც საშუალებას მოგვცემს განახლებული ვებ-გვერდი იყოს გაცილებით მოქნილი, ინფორმაციული, მომხმარებელზე ორიენტირებული და პასუხობდეს თანამედროვე მოთხოვნებს.
შემუშავდა სტუდენტური ღონისძიებების დაფინანსების ახალი წესი.
მნიშვნელოვანია, რომ საუნივერსიტეტო სიახლეებზე, თსუ-ში მეცნიერებისა და სტუდენტების საქმიანობის თაობაზე და მათ წარმატებებზე მუდმივად მიეწოდება ინფორმაცია საზოგადოებას. 2017 წლის განმავლობაში მედია საშუალებებში გავრცელდა 6000-მდე ინფორმაცია, სტატია, ტელე და რადიო სიუჟეტი, გადაცემა უნივერსიტეტისა და სტუდენტური ცხოვრების შესახებ.
განსაკუთრებული მნიშვნელობა ენიჭება იმ ფაქტს, რომ 2017 წელს დაარსდა ქართული უნივერსიტეტის საზოგადოება (ფონდი) და წარმატებით განხორციელდა უნივერსიტეტის 100 წლის საიუბილეო ღონისძიებებთან დაკავშირებული აქტივობები.
– როგორია მომავალი წლის გეგმები?
– სტრატეგიული გეგმის შესაბამისად, დაწყებულია შემდეგი აქტივობები: მიმდინარეობს ფინანსური რესურსების მობილიზება ავტორიზაციის სტანდარტებთან შესაბამისობის უზრუნველსაყოფად; საუნივერსიტეტო მასშტაბით სრულყოფილი სახელფასო პოლიტიკის შემუშავების უზრუნველსაყოფად; ინოვაციური პროექტებისა და სამეცნიერო-კვლევითი საქმიანობის მხარდასაჭერად; ასევე, ზრუნვა მათ კომერციალიზაციაზე; ინფრასტრუქტურისა და მატერიალურ-ტექნიკური ბაზის შემდგომი განვითარების ფინანსური უზრუნველყოფისათვის; მიმდინარეობს ღონისძიებები სტუდენტთა მომსახურების სერვისების გაუმჯობესების, სტუდენტური საგანმანათლებლო, სამეცნიერო-კვლევითი, კულტურულ-სპორტული პროექტებისა და აქტივობების ფინანსური მხარდაჭერისათვის. მიმდინარეობს სახელმწიფოსაგან პროგრამული დაფინანსების მოპოვების და ინვესტორების მოძიების სამუშაოები. „მცირე საგრანტო პროგრამის“ ფარგლებში, საერთაშორისო ცენტრის დაფინანსებით, სტუდენტური ინიციატივების წახალისებასა და სტუდენტების ბიზნეს იდეების მხარდასაჭერად შეიქმნება „ინოვაციური ცენტრი“. გრძელდება სამუშაოები სპეციალური სასწავლო საგანმანათლებლო საჭიროებისა და შეზღუდული შესაძლებლობის პირთათვის სპეციალური გარემოს შესაქმნელად.
დასასრულ, მინდა აღვნიშნო, რომ წლევანდელი წელი განსაკუთრებულია – ივანე ჯავახიშვილის სახელობის თბილისის სახელმწიფო უნივერსიტეტი 100 წლის იუბილეს აღნიშნავს. უნივერსიტეტი იყო და რჩება ქვეყანაში უმაღლესი განათლების პირველ და მთავარ კერად. ჩვენ ვამაყობთ, რომ ივანე ჯავახიშვილის სახელობის თბილისის სახელმწიფო უნივერსიტეტი აღიარებულია არა მარტო ქვეყნის შიგნით, არამედ მისი პოზიცია გაუმჯობესდა მსოფლიო უნივერსიტეტების რანჟირების სისტემაში. უნივერსიტეტი 2018 წლის საერთაშორისო რეიტინგის მიხედვით მსოფლიოს საუკეთესო უნივერსიტეტების 2%-ში შედის (The U.S.News&World Report) და მას საქართველოსა და კავკასიის რეგიონში ლიდერის პოზიცია უკავია.
უნივერსიტეტის ადმინისტრაცია მომავალ წელსაც შეეცდება, რომ ხელი შეუწყოს უნივერსიტეტის აკადემიურ და სამეცნიერო განვითარებას, საუნივერსიტეტო აქტივობებს.

ვრცლად

თსუ-ის პარტნიორი კომპანიების დაჯილდოების ცერემონიალი

სტუდენტთა სტაჟირებისა და დასაქმების ხელშეწყობისთვის 20 პარტნიორი კომპანია დააჯილდოვა ივანე ჯავახიშვილის სახელობის თბილისის სახელმწიფო უნივერსიტეტმა. ღონისძიებას თსუ-ის რექტორის მოადგილე, პროფესორი ალექსანდრე ცისკარიძე, პროფესორები, სტუდენტები, კერძო და საჯარო უწყებების წარმომადგენლები ესწრებოდნენ.
უნივერსიტეტის წინაშე გაწეული ღვაწლისა და თანადგომისთვის მადლობის სიგელები იმ კომპანიების წარმომადგენლებს გადაეცათ, სადაც თსუ-ის სტუდენტები არიან დასაქმებულები, გადიან პრაქტიკასა და სტაჟირებას. ღონისძიება თსუ-ის 100 წლის იუბილეს მიეძღვნა.


თსუ-ის რექტორის მოადგილის ალექსანდრე ცისკარიძის თქმით, უნივერსიტეტსა და დამსაქმებლებს შორის თანამშრომლობა ორმხრივად სასარგებლოა, როგორც სტუდენტებისთვის, რომლებიც საწარმოო პრაქტიკას გადიან წარმატებულ კომპანიებში, ასევე, დამსაქმებლებისთვის, რომლებიც სტუდენტებს მომავალ პროფესიონალებად ზრდიან. „სტუდენტები იძენენ ახალ უნარ-ჩვევებს, რომელიც მათ პროფესიულ საქმიანობაში სჭირდებათ. ეს ძალიან მნიშვნელოვანია და ბევრი მიმართულების სასწავლო პროგრამის შემადგენელი ნაწილია. მეორე მხრივ, ის ახალი ხედვები, ახალი იდეები, რომლებიც ჩვენ სტუდენტებს აქვთ, ხშირად ამ კომპანიების წარმატების საწინდარი ხდება. უნივერსიტეტი ყველაფერს გააკეთებს, რომ ეს ურთიერთობა კიდევ უფრო პროდუქტიული და საინტერესო იყოს, როგორც სტუდენტებისთვის, ისე დამსაქმებლებისთვის“, – აღნიშნა ალექსანდრე ცისკარიძემ.
ქიმიის მიმართულების ბაკალავრიატის მე-8 სემესტრის სტუდენტები პრაქტიკის პერიოდში ეცნობიან საწარმოს ისტორიას, ტექნოლოგიურ პროცესებს, წარმოების პროდუქტებს, უსაფრთხოების წესებსა და ეთიკის ნორმებს.
თსუ-ის სტუდენტის მარიამ ჩეჩელაშვილის თქმით, საწარმოო პრაქტიკა მას აძლევს შესაძლებლობას – უნივერსიტეტში მიღებული ცოდნა პრაქტიკაში გამოიყენოს. „საწარმოო პრაქტიკა იმის საფუძველია, რომ უშუალოდ მივიღოთ მონაწილეობა ყველა პროცესში და მიღებული უნარ-ჩვევები და გაღრმავებული ცოდნა ჩვენი მომავლისთვის გამოვიყენოთ და საჭირო პროფესიებს დავეუფლოთ“, – აღნიშნა თსუ-ის სტუდენტმა.
ბოლო სამი წლის განმავლობაში ქიმიის მიმართულების 40-მდე კურსდამთავრებული დასაქმდა პარტნიორ კომპანიებსა და სააგენტოებში: „კოკა-კოლა ბოთლერს ჯორჯია“, გარემოს დაცვის ეროვნული სააგენტო, კომპანია „ავერსი“, შპს „ჯორჯიან ვოთერს ენდ ფაუერი“, ქართული ლუდის კომპანია „ზედაზენი“, შპს „ჰენკელ ბილდინგ ქემიკალს ჯორჯია“, რძის პროდუქტების კომპანია „მილკო ფუდი“, შპს დგ „კონსალტინგი“, კომპანია RMG, შპს „გამა“, საქართველოს ეროვნული მუზეუმი, შპს „ბიოსიო“ – პარფიუმერული კომპანია, სამხარაულის ექსპერტიზის ბიურო. შპს „გსქ კულა“, მაღალი ტექნოლოგიების ეროვნული ცენტრი, სამხედრო-სამრეწველო ცენტი „დელტა“, შინაგან საქმეთა სამინისტროს საექსპერტო-კრიმინალისტიკური დეპარტამენტის ქიმიური ექსპერტიზის განყოფილება, კომპანია „გლობალ ბიერ ჯორჯია“, სოფლის მეურნეობის ლაბორატორია. აღნიშნულ კომპანიებში სტაჟირება თსუ-ის ასობით სტუდენტმა გაიარა.

ვრცლად

იუნესკოს გენერალური დირექტორის ოდრი აზულის მილოცვა ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესთან დაკავშირებით

დი­დი სი­ა­მოვ­ნე­ბით მინ­და მო­გი­ლო­ცოთ თბი­ლი­სის სა­ხელ­მ­წი­ფო უნი­ვერ­სი­ტე­ტის ყვე­ლა წარ­მო­მად­გე­ნელს 100 წლის იუ­ბი­ლე.
ეს უნი­ვერ­სი­ტე­ტი, რო­გორც პირ­ვე­ლი ეროვ­ნუ­ლი უნი­ვერ­სი­ტე­ტი სა­ქარ­თ­ვე­ლო­ში და ასე­ვე პირ­ვე­ლი სა­გან­მა­ნათ­ლებ­ლო და­წე­სე­ბუ­ლე­ბა ამი­ერ­კავ­კა­სი­ა­ში, და­არ­ს­და ის­ტო­რი­კო­სი­სა და ენათ­მეც­ნი­ე­რის, ივა­ნე ჯა­ვა­ხიშ­ვი­ლის მი­ერ 1918 წლის 8 თე­ბერ­ვალს. მი­უ­ხე­და­ვად მი­სი ერთ სა­უ­კუ­ნო­ვა­ნი ის­ტო­რი­ი­სა, უნი­ვერ­სი­ტეტ­მა ქვეყ­ნის უფ­რო ად­რე­უ­ლი სა­უ­კუ­ნე­ე­ბის სა­გან­მა­ნათ­ლებ­ლო ცენ­ტ­რე­ბის ტრა­დი­ცი­ე­ბი მი­ი­ღო მემ­კ­ვიდ­რე­ო­ბად.
ათ­წ­ლე­უ­ლე­ბის გან­მავ­ლო­ბა­ში თბი­ლი­სის სა­ხელ­მ­წი­ფო უნი­ვერ­სი­ტეტს მნიშ­ვ­ნე­ლო­ვა­ნი წვლი­ლი შე­აქვს რე­გი­ო­ნის სო­ცი­ა­ლურ, ეკო­ნო­მი­კურ და კულ­ტუ­რულ საქ­მი­ა­ნო­ბებ­ში, რაც, გარ­კ­ვე­ულ­წი­ლად, გან­პი­რო­ბე­ბუ­ლია მი­სი სტუ­დენ­ტე­ბი­სა და მას­წავ­ლებ­ლე­ბის მულ­ტი­კულ­ტუ­რუ­ლი შე­მად­გენ­ლო­ბით. იგი წარ­მო­ად­გენს რე­გი­ო­ნა­ლუ­რი გა­ნათ­ლე­ბის ჰაბს და რე­გი­ონ­ში უმაღ­ლე­სი გა­ნათ­ლე­ბის გან­ვი­თა­რე­ბა­ზე მნიშ­ვ­ნე­ლო­ვან გავ­ლე­ნას ახ­დენს.


დღეს თბი­ლი­სის სა­ხელ­მ­წი­ფო უნი­ვერ­სი­ტეტ­ში სწავ­ლის შე­საძ­ლებ­ლო­ბა აქვთ სტუ­დენ­ტებს სხვა­დას­ხ­ვა ქვეყ­ნი­დან – რო­გო­რი­ცაა თურ­ქე­თი, სი­რია, ჩი­ნე­თი, ინ­დო­ე­თი, ბან­გ­ლა­დე­ში და ერა­ყი. გაც­ვ­ლი­თი პროგ­რა­მე­ბის თვალ­საზ­რი­სით, სა­ქარ­თ­ვე­ლო­ში ყვე­ლა­ზე დი­დი რა­ო­დე­ნო­ბით სტუ­დენ­ტი ჩა­მო­დის ევ­რო­კავ­ში­რის ქვეყ­ნე­ბი­დან პო­ლო­ნე­თის, იტა­ლი­ის, ეს­პა­ნე­თის, პორ­ტუ­გა­ლი­ის, გერ­მა­ნი­ის, ნი­დერ­ლან­დე­ბის, ჩე­ხე­თის რეს­პუბ­ლი­კი­სა და სლო­ვა­კე­თის ჩათ­ვ­ლით.
ინ­ტერ­კულ­ტუ­რუ­ლი დი­ა­ლო­გი ამ უნი­ვერ­სი­ტე­ტის გენ­შია ჩა­დე­ბუ­ლი. კულ­ტუ­რა­თა ურ­თი­ერ­თ­და­ახ­ლო­ე­ბის თვალ­საზ­რი­სით, დღეს მსოფ­ლი­ოს სწო­რედ ასე­თი თავ­და­დე­ბა ესა­ჭი­რო­ე­ბა მსოფ­ლიო მო­ქა­ლა­ქე­თა ახა­ლი თა­ო­ბის აღ­საზ­რ­დე­ლად.
იუ­ნეს­კო სი­ა­მა­ყით უერ­თ­დე­ბა ამ იუ­ბი­ლეს, რო­გორც მო­ნა­წი­ლე იმ ოფი­ცი­ა­ლუ­რი სა­ზე­ი­მო ღო­ნის­ძი­ე­ბე­ბი­სა, რო­მე­ლიც ჩვე­ნი გე­ნე­რა­ლუ­რი კონ­ფე­რენ­ცი­ის მი­ე­რაა მხარ­და­ჭე­რი­ლი. გი­ლო­ცავთ და­ბა­დე­ბის დღეს და გი­სურ­ვებთ წარ­მა­ტე­ბულ და უმაღ­ლე­სი გა­ნათ­ლე­ბი­სად­მი თავ­და­დე­ბის, სულ მცი­რე, კი­დევ 100 წე­ლი­წადს, რი­თაც ხელს შე­უწ­ყობთ გენ­დე­რუ­ლი თა­ნას­წო­რო­ბის, კო­ლექ­ტი­უ­რი გო­ნი­სა და ადა­მი­ა­ნუ­რი ღირ­სე­ბის იდე­ა­ლე­ბის და­ნერ­გ­ვას.

ვრცლად

უნივერსიტეტს ულოცავენ

სრუ­ლი­ად სა­ქარ­თ­ვე­ლოს ვუ­ლო­ცავთ ივა­ნე ჯა­ვა­ხიშ­ვი­ლის სა­ხე­ლო­ბის თბი­ლი­სის სა­ხელ­მ­წი­ფო უნი­ვერ­სი­ტე­ტის და­არ­სე­ბი­დან 100 წლის­თა­ვის სა­ი­უ­ბი­ლეო თა­რიღს. 
სა­ქარ­თ­ვე­ლოს მარ­თ­ლ­მა­დი­დე­ბე­ლი სა­მო­ცი­ქუ­ლო ეკ­ლე­სი­ის ავ­ტო­კე­ფა­ლი­ის აღ­დ­გე­ნა, ქვეყ­ნის და­მო­უ­კი­დებ­ლო­ბის მო­პო­ვე­ბა და უნი­ვერ­სი­ტე­ტის და­არ­სე­ბა თით­ქ­მის ერთ პე­რი­ოდ­ში მოხ­და. ეს მოვ­ლე­ნე­ბი ჩვე­ნი ქვეყ­ნის ის­ტო­რი­ა­ში უმ­ნიშ­ვ­ნე­ლო­ვა­ნე­სი თა­რი­ღე­ბია, რაც, რა თქმა უნ­და, არ იყო შემ­თ­ხ­ვე­ვი­თი. 
მაგ­რამ ამ ფაქ­ტე­ბით მოგ­ვ­რი­ლი სა­ყო­ველ­თაო სი­ხა­რუ­ლი დიდ­ხანს არ გაგ­რ­ძე­ლე­ბუ­ლა, რად­გან მა­ლე­ვე ათე­ის­ტუ­რი რე­ჟი­მი მძი­მედ და­აწ­ვა ქვე­ყა­ნა­საც და ეკ­ლე­სი­ა­საც. 
ამ ურ­თუ­ლეს პე­რი­ოდ­ში უმ­ნიშ­ვ­ნე­ლო­ვა­ნე­სი რო­ლი სწო­რედ თბი­ლი­სის სა­ხელ­მ­წი­ფო უნი­ვერ­სი­ტეტ­მა შე­ას­რუ­ლა. იგი იქ­ცა რო­გორც მეც­ნი­ე­რულ კვლე­ვა­თა გა­მორ­ჩე­ულ ცენ­ტ­რად, ასე­ვე ცოდ­ნის, სუ­ლი­ე­რე­ბის, ზნე­ო­ბის მა­გა­ლი­თის მიმ­ცე­მად მთე­ლი ერის­თ­ვის. 
ეს იყო ამ პე­რი­ოდ­ში ერ­თა­დერ­თი ად­გი­ლი, სა­დაც, დი­დი წი­ნა­აღ­მ­დე­გო­ბე­ბის მი­უ­ხე­და­ვად, ღვი­ო­და და ვი­თარ­დე­ბო­და ეროვ­ნუ­ლი სუ­ლის­კ­ვე­თე­ბა, აზ­როვ­ნე­ბის ის წე­სი, რა­მაც სა­ქარ­თ­ვე­ლო ღირ­სე­უ­ლად გა­მო­ა­ტა­რა დრო­ის ქარ­ცეც­ხ­ლ­ში. 
უნი­ვერ­სი­ტე­ტის მე­სა­მე სარ­თულ­ზე, გუმ­ბათ­ქ­ვეშ, ტა­ძა­რი ფუნ­ქ­ცი­ო­ნი­რებ­და; მარ­თა­ლია, შემ­დეგ იგი ბიბ­ლი­ო­თე­კად გა­და­კეთ­და, მაგ­რამ მი­სი მად­ლი დღემ­დე მოყ­ვე­ბა ამ კედ­ლებს. ამი­ტო­მაც, ათე­ის­ტუ­რი რე­ჟი­მის მძვინ­ვა­რე­ბის ჟამ­საც, პე­და­გოგ­თა შო­რის ყო­ველ­თ­ვის იყ­ვ­ნენ ისეთ­ნი, რო­მელ­ნიც ღვთის რწმე­ნას, პირ­და­პირ თუ ირი­ბად, უნერ­გავ­დ­ნენ ახალ­გაზ­რ­დებს. 
შემ­დეგ კი ამი­სა იყო ის, რომ დრო­ის უკუღ­მარ­თო­ბით ფეხ­მო­კი­დე­ბულ კო­მუ­ნის­ტურ იდე­ო­ლო­გი­ას­თან და­პი­რის­პი­რე­ბა პირ­ველ რიგ­ში ამ წი­ა­ღი­დან ხდე­ბო­და, რა­საც დე­და­ეკ­ლე­სია ყო­ველ­თ­ვის გვერ­დ­ში ედ­გა. 
წარ­სულს რომ თვალს ვავ­ლებთ, შე­იძ­ლე­ბა თა­მა­მად ვთქვათ, რომ ეს იყო სა­ერ­თო თავ­და­დე­ბი­სა და თავ­და­უ­ზო­გა­ვი მოღ­ვა­წე­ო­ბის 100 წე­ლი. აქ მო­მუ­შა­ვე პრო­ფე­სორ-მას­წავ­ლე­ბელ­თა ვალ­დე­ბუ­ლე­ბა არც დღეს არის ნაკ­ლე­ბად მნიშ­ვ­ნე­ლო­ვა­ნი, რად­გან სა­ქარ­თ­ვე­ლოს ხვა­ლინ­დე­ლი დღე ამ სივ­რ­ცე­ში აღ­ზ­რ­დილ ახალ­გაზ­რ­დებ­ზე კვლა­ვაც დი­დად იქ­ნე­ბა და­მო­კი­დე­ბუ­ლი.
უნი­ვერ­სი­ტე­ტის სა­ი­უ­ბი­ლეო თა­რიღს კი­დევ ერ­თ­ხელ გუ­ლი­თა­დად ვუ­ლო­ცავთ ყვე­ლას, გან­სა­კუთ­რე­ბით კი – უნი­ვერ­სი­ტე­ტის რექ­ტორს, აკა­დე­მი­უ­რი საბ­ჭოს წევ­რებს, პრო­ფე­სორ-მას­წავ­ლებ­ლებს, რექ­ტო­რატს, ყვე­ლა თა­ნამ­შ­რო­მელს, სტუ­დენ­ტებ­სა და კურ­ს­დამ­თავ­რე­ბუ­ლებს.

თქვენ ხართ დღე­ვან­დე­ლი დღე სა­ხე­ლო­ვა­ნი ის­ტო­რი­ი­სა, თქვენ ხართ დი­დი ივა­ნე ჯა­ვა­ხიშ­ვი­ლის, კონ­ს­ტან­ტი­ნე აფ­ხა­ზის, გრი­გოლ გვე­ლე­სი­ა­ნის, წმ. ექ­ვ­თი­მე თა­ყა­იშ­ვი­ლის, გი­ორ­გი ახ­ვ­ლე­დი­ა­ნის, შალ­ვა ნუ­ცუ­ბი­ძის, დი­მიტ­რი უზ­ნა­ძის, გრი­გოლ წე­რეთ­ლის, პავ­ლე ინ­გო­როყ­ვას, სი­მონ ყა­უხ­ჩიშ­ვი­ლის, აკა­კი შა­ნი­ძის, ან­დ­რია რაზ­მა­ძის, იო­სებ ყიფ­ში­ძის, კორ­ნე­ლი კე­კე­ლი­ძის, პეტ­რე მე­ლი­ქიშ­ვი­ლის, სი­მონ ჯა­ნა­ში­ას, არ­ნოლდ ჩი­ქო­ბა­ვას და სხვა სა­ხე­ლო­ვან და დი­დე­ბულ მეც­ნი­ერ­თა მემ­კ­ვიდ­რე­ნი და გზის გამ­გ­რ­ძე­ლე­ბელ­ნი. 
რა­ო­დენ დი­დია ეს მი­სია და რა­ო­დენ სა­პა­სუ­ხის­მ­გებ­ლო!
შევ­თ­ხოვთ ღმერთს, ჩვენ ყვე­ლას მოგ­ვ­მად­ლოს გუ­ლი გო­ნი­ე­რი, რა­თა ღვთი­სა და ქვეყ­ნის სა­დი­დებ­ლად იყოს ცხოვ­რე­ბაც და საქ­მე­ნიც ჩვენ­ნი.

სრუ­ლი­ად სა­ქარ­თ­ვე­ლოს კა­თო­ლი­კოს-პატ­რი­არ­ქი

 

ვუ­ლო­ცავ სა­ქარ­თ­ვე­ლოს პირ­ველ უნი­ვერ­სი­ტეტს 100 წლის იუ­ბი­ლეს, რო­მე­ლიც ცოდ­ნის, თა­ვი­სუფ­ლე­ბი­სა და პატ­რი­ო­ტუ­ლი სუ­ლის­კ­ვე­თე­ბის გან­სა­კუთ­რე­ბუ­ლი და თვალ­სა­ჩი­ნო კე­რა გახ­და.
100 წლის წინ, ჩვენ­მა წი­ნაპ­რებ­მა, მის­მა დამ­ფუძ­ნებ­ლებ­მა ევ­რო­პულ ფა­სე­უ­ლო­ბებ­ზე და პროგ­რე­სულ იდე­ებ­ზე და­ფუძ­ნე­ბუ­ლი გა­ნათ­ლე­ბის ახა­ლი კე­რა შექ­მ­ნეს.
წელს, ისე­ვე რო­გორც ქარ­თულ უნი­ვერ­სი­ტეტს, პირ­ველ ქარ­თულ რეს­პუბ­ლი­კა­საც 100 წე­ლი უს­რულ­დე­ბა.
რო­დე­საც ვსა­უბ­რობთ ჩვე­ნი სა­ხელ­მ­წი­ფოს პირ­ვე­ლი რეს­პუბ­ლი­კის დამ­ფუძ­ნე­ბელ­თა ღვაწ­ლ­ზე, გვახ­სოვს ის უდი­დე­სი ემო­ცი­უ­რი და პატ­რი­ო­ტუ­ლი წვლი­ლი, რო­მე­ლიც ჩვე­ნი სა­ხელ­მ­წი­ფო­ებ­რი­ო­ბის ჩა­მო­ყა­ლი­ბე­ბის მი­მართ უნი­ვერ­სი­ტეტს მი­უძ­ღ­ვ­ნის.
სწო­რედ პირ­ველ­მა ქარ­თულ­მა უნი­ვერ­სი­ტეტ­მა შე­ას­რუ­ლა გან­სა­კუთ­რე­ბუ­ლი ფუნ­ქ­ცია, პირ­ვე­ლი ქარ­თუ­ლი რეს­პუბ­ლი­კის შექ­მ­ნი­დან დღემ­დე, ქარ­თუ­ლი სა­ხელ­მ­წი­ფო­ებ­რი­ო­ბის წი­ნა­შე არ­სე­ბუ­ლი უამ­რა­ვი გა­მოწ­ვე­ვის გამ­კ­ლა­ვე­ბი­სა დაძ­ლე­ვის საქ­მე­ში, გა­აძ­ლი­ე­რა ის პატ­რი­ო­ტუ­ლი სუ­ლის­კ­ვე­თე­ბა, რო­მე­ლიც ხე­ლახ­ლა, 70 წლის შემ­დეგ, ახა­ლი ქარ­თუ­ლი სა­ხელ­მ­წი­ფოს შექ­მ­ნით დაგ­ვირ­გ­ვინ­და.
კი­დევ ერ­თ­ხელ ვუ­ლო­ცავ ყვე­ლას – სტუ­დენ­ტო­ბას, პრო­ფე­სორ-მას­წავ­ლებ­ლებს, ქარ­თ­ველ ერს, ვის­თ­ვი­საც მნიშ­ვ­ნე­ლო­ვა­ნია, რომ სა­ქარ­თ­ვე­ლო თა­ნამე­დ­რო­ვე ცი­ვი­ლი­ზა­ცი­ის თა­ნა­შე­მოქ­მე­დია.

გი­ორ­გი მარ­გ­ვე­ლაშ­ვი­ლი, სა­ქარ­თ­ვე­ლოს პრე­ზი­დენ­ტი

 

2018 წელი უმნიშვნელოვანესი საიუბილეო წელია ჩვენი ქვეყნისთვის – 100 წლის წინ გამოცხადდა საქართველოს სახელმწიფოებრივი დამოუკიდებლობა და დაარსდა თბილისის სახელმწიფო უნივერსიტეტი. ეროვნულ-სახელმწიფოებრივი თვალსაზრისით, ეს იყო ორი ისტორიული მნიშვნელობის მოვლენა საქართველოსთვის.
ჩვენმა დიდმა წინაპრებმა, უნივერსიტეტის დამაარსებლებმა და მათმა თანამოაზრეებმა მტკიცე საფუძველი ჩაყარეს საიმისოდ, რომ უნივერსიტეტი გამხდარიყო არა მარტო მთავარი საუნივერსიტეტო განათლების ცენტრი, არამედ შეესრულებინა ეროვნული ღირებულებების დამკვიდრებისა და კულტურის კერის როლი საქართველოში.
დღეს ჩვენ ვამაყობთ, რომ გვაქვს დიდი ტრადიციების მქონე უმაღლესი სკოლა, რომლის კედლებს ბევრი სახელოვანი მეცნიერი და პედაგოგი ახსოვს და რომელმაც არაერთი საამაყო შვილი აღუზარდა ქვეყანას. სასიხარულოა, რომ ეს ტრადიციები დღესაც ღირსეულად გრძელდება და მას მსოფლიოს საუკეთესო უნივერსიტეტებს შორის საპატიო ადგილი უჭირავს.
მჯერა, რომ თბილისის სახელმწიფო უნივერსიტეტი, რომელიც დიდი ივანე ჯავახიშვილის სახელს ატარებს, კვლავაც იქნება მთავარი უმაღლესი საგანმანათლებლო და კულტურის კერა და კიდევ არაერთ საამაყო თაობას აღუზრდის ჩვენს ქვეყანას.
ყველა უნივერსიტეტელს და სრულიად საქართველოს გილოცავთ ჩვენი უნივერსიტეტის 100 წლის იუბილეს!

გიორგი კვირიკაშვილი, საქართველოს პრემიერ-მინისტრი

 

თბილისის სახელმწიფო უნივერსიტეტს ვულოცავ 100 წლის იუბილეს. ამ იუბილეს ვულოცავ სრულიად საქართველოს, რომლის უახლეს ისტორიაში უნივერსიტეტმა უმნიშვნელოვანესი როლი შეასრულა. ამ იუბილეს ვულოცავ უნივერსიტეტის პროფესორ-მასწავლებლებს, კურსდამთავრებულებს და, განსაკუთრებით, სტუდენტებს, რომლებიც დღეს განათლებას ისტორიულ კედლებში იღებენ. ეს არის გამორჩეული მნიშვნელობის თარიღი პირადად ჩემთვის, როგორც ,,უნივერსიტეტელისთვის” და თბილისის სახელწიფო უნივერსიტეტის პროფესორისთვის.
თბილისის სახელწიფო უნივერსიტეტის როლი და მნიშვნელობა ყოველთვის განსაკუთრებული იყო, არის და იქნება მომავალშიც. უნივერსიტეტი არის ჩვენი ეროვნული თვითმყოფადობის შენარჩუნებისა და საქართველოს ეროვნული მომალის გარანტი. უნივერსიტეტი, მისი პროფესორ-მასწავლებლები და სტუდენტები საქართველოს უახლესი ისტორიის ყველაზე რთულ მომენტებში იდგნენ ჩვენი ეროვნული ინტერესების სადარაჯოზე.
თბილისის სახელწიფო უნივერსიტეტი, როგორც ცოდნის ტაძარი, აგრძელებს ასი წლის წინ დაწყებულ საქმეს და ჩვენი ვალია, ხელი შევუწყოთ მას ამ უდიდესი მისიის შესრულებაში. ყოველთვის უნდა გვახსოვდეს, რომ თბილისის სახელწიფო უნივერსიტეტს სასიცოცხლო მნიშვნელობა აქვს საქართველოს წინსვლისა და დამოუკიდებლობის განმტკიცებისთვის!

ირაკლი კობახიძე, საქართველოს პარლამენტის თავჯმდომარე

 

 

 

მეცნიერება და განათლება – თავისთავად უდიდესი ფასეულობები, ამავდროულად, სხვა საზოგადო სიკეთეთა – თავისუფლების, კეთილდღეობის, განვითარების აუცილებელ წინაპირობებს წარმოადგენენ. ეს კარგად ესმოდათ ივანე ჯავახიშვილს, პეტრე მელიქიშვილს, კონსტანტინე აფხაზს, ექვთიმე თაყაიშვილს, დიმიტრი უზნაძეს, ჩვენი ქვეყნის სხვა უდიდეს შვილებს, რომლებმაც უნივერსიტეტის დაარსება ცხოვრების უმთავრეს მიზნად დაისახეს. ამ მიზნის ხორცშესხმით უნივერსიტეტი იქცა მეცნიერების, კულტურისა და აზროვნების უმნიშვნელოვანეს კერად, საზოგადოებრივი ცხოვრების ძლიერ ბურჯად, რომელიც ერთნაირად ძვირფასია ყველა ქართველისათვის.

ჯერ კიდევ რუსეთის იმპერიის შემადგენლობაში ყოფნისას, ყველაფერი ეროვნულის – ენის, კულტურის, ტრადიციების ხანგრძლივი დევნის შემდეგ, ავტოკეფალიის მოპოვებასთან ერთად, უნივერსიტეტის დაფუძნება იქცა გადამწყვეტ ნაბიჯად თავისუფლების გზაზე, რომელიც 1918 წელს საქართველოს დამოუკიდებლობის დეკლარაციით დაგვირგვინდა. ეს ისტორიული მოვლენები სამი დედაბოძია, რომელთაც ჩვენი დამოუკიდებლობა, თავისუფლებისა და განვითარებისკენ სწრაფვა დაეფუძნა. 

დღესაც, უძველესი და თვითმყოფადი კულტურის მქონე საქართველოს უკეთეს მომავალზე ფიქრისას ბუნებრივად წარმოვიდგენთ უნივერსიტეტს, როგორც ხვალინდელი დღის ერთ-ერთ მთავარ სამჭედლოს.
წელს პირველი ქართული უნივერსიტეტის დაარსებიდან 100 წლისთავს ვზეიმობთ. ჩვენთან ერთად საუკუნოვან იუბილეს, იუნესკო-ს ეგიდით, საერთაშორისო თანამეგობრობაც აღნიშნავს.
საზეიმო წუთებში, დამაარსებლებთან ერთად, მადლიერების გრძნობით ვიხსენებთ ყველას, ვინც საკუთარი ცხოვრება დედაუნივერსიტეტს მიუძღვნა.
მადლობას გიხდით პროფესორებსა და მეცნიერებს, ვინც დღეს გადასცემთ ფასდაუდებელ ცოდნასა და გამოცდილებას ქვეყნის ხვალინდელი დღის მშენებლებს – ახალგაზრდობას; სტუდენტებს, ვინც აუდიტორიებსა თუ ლაბორატორიებში, ბიბლიოთეკებსა თუ კვლევით ცენტრებში ცოდნის დაუფლებით არა მხოლოდ საკუთარ ღირსეულ ცხოვრებას, არამედ ახალ – განათლებულ და თავისუფალ ადამიანთა საქართველოს ქმნით. მადლობა ყველა თანამშრომელს, ვინც ამაყად და დაუღალავად ემსახურებით უნივერსიტეტის განვითარებას.
როგორც განათლების მინისტრი, გპირდებით თანადგომას თქვენს ძალისხმევაში, რადგან მჯერა, რომ იგი ახალი სამეცნიერო და შემოქმედებითი სიმაღლეების ათვისებისა და ქვეყნის განვითარების საწინდარია.
თქვენთან ერთად, მთელ ჩვენ საზოგადოებას ვულოცავ იუბილეს და შემდგომ წინსვლას ვუსურვებ პირველ ქართულ უნივერსიტეტს.

მიხეილ ჩხენკელი, საქართველოს განათლებისა და მეცნიერების მინისტრი

 

უნი­ვერ­სი­ტე­ტის 100 წლის იუ­ბი­ლეს ვუ­ლო­ცავ არა მხო­ლოდ უნი­ვერ­სი­ტე­ტე­ლებს, არა­მედ სრუ­ლი­ად სა­ქარ­თ­ვე­ლოს!
უნი­ვერ­სი­ტე­ტის და­არ­სე­ბა არ გახ­ლავთ ლო­კა­ლუ­რი მნიშ­ვ­ნე­ლო­ბის მოვ­ლე­ნა, რა­საც ადას­ტუ­რებს ის ფაქ­ტი, რომ ჩვე­ნი 100 წლო­ვა­ნი იუ­ბი­ლე იუ­ნეს­კოს ეგი­დით აღი­ნიშ­ნე­ბა. ამ­დე­ნად, ეს არის ხაზ­გას­მა იმი­სა, რომ ჩვენს იუ­ბი­ლეს სა­ერ­თა­შო­რი­სო მას­შ­ტა­ბით დამ­სა­ხუ­რე­ბუ­ლად ვი­ზე­ი­მებთ. ჩვენ მაქ­სი­მა­ლუ­რად გა­მო­ვი­ყე­ნებთ ამ სა­ზე­ი­მო გან­წ­ყო­ბას და ამ კონ­ტაქ­ტებს, რა­თა გაღ­რ­მავ­დეს ურ­თი­ერ­თო­ბე­ბი ჩვენს პარ­ტ­ნი­ო­რებ­თან.
დი­დი მად­ლო­ბა მინ­და გა­და­ვუ­ხა­დო ყვე­ლას, ვინც მო­ნა­წი­ლე­ო­ბა მი­ი­ღო თსუ-ის იუ­ბი­ლეს ღირ­სე­უ­ლად აღ­ნიშ­ვ­ნა­ში, უნი­ვერ­სი­ტე­ტი­სად­მი მხარ­და­ჭე­რა­ში, რაც გა­მო­ი­ხა­ტე­ბა მნიშ­ვ­ნე­ლო­ვა­ნი ინ­ფ­რას­ტ­რუქ­ტუ­რუ­ლი პრო­ექ­ტე­ბის და­ფი­ნან­სე­ბა­ში – იგეგ­მე­ბა უნი­ვერ­სი­ტე­ტის მე­ო­რე კორ­პუ­სის რე­ა­ბი­ლი­ტა­ცია, უკ­ვე გად­მოგ­ვე­ცა სა­ერ­თა­შო­რი­სო სტან­დარ­ტე­ბის მქო­ნე სტუ­დენ­ტუ­რი სა­ერ­თო საც­ხოვ­რე­ბე­ლი ლის­ზე, უნი­ვერ­სი­ტე­ტის 100 წლის სა­ი­უ­ბი­ლეო თა­რი­ღის აღ­სა­ნიშ­ნა­ვად სა­ქარ­თ­ვე­ლოს ეროვ­ნულ­მა ბან­კ­მა 5 ლა­რის ნო­მი­ნა­ლის ვერ­ც­ხ­ლის სა­კო­ლექ­ციო მო­ნე­ტა გა­მო­უშ­ვა, ეკო­ნო­მი­კი­სა და მდგრა­დი გან­ვი­თა­რე­ბის სა­მი­ნის­ტ­რომ უნი­ვერ­სი­ტეტს გად­მოს­ცა თბი­ლი­სის პა­თა­ნა­ტო­მი­ის ცენ­ტ­რი, სა­დაც ჩვე­ნი სა­მე­დი­ცი­ნო ფა­კულ­ტე­ტის სტუ­დენ­ტებს პრაქ­ტი­კუ­ლი მე­ცა­დი­ნე­ო­ბე­ბი უტარ­დე­ბათ. ეკო­ნო­მი­კი­სა და მდგრა­დი გან­ვი­თა­რე­ბის სა­მი­ნის­ტ­რომ, ასე­ვე, კონ­კურ­სი გა­მო­აც­ხა­და თსუ-ის სა­ი­უ­ბი­ლეო სა­ფოს­ტო მარ­კის ეს­კიზ­ზე, უახ­ლო­ეს მო­მა­ვალ­ში გა­და­იჭ­რე­ბა მას­შ­ტა­ბუ­რი სა­ერ­თო საც­ხოვ­რებ­ლის აშე­ნე­ბის სა­კით­ხი – სა­ქარ­თ­ვე­ლოს გა­ნათ­ლე­ბი­სა და მეც­ნი­ე­რე­ბის სა­მი­ნის­ტ­რომ გა­მო­აც­ხა­და ინ­ტე­რეს­თა გა­მო­ხატ­ვა მას­შ­ტა­ბუ­რი სა­ერ­თო საც­ხოვ­რებ­ლის მშე­ნებ­ლო­ბა­ზე. ეს პრო­ექ­ტი სა­ბო­ლო­ოდ გა­დაწ­ყ­ვეტს სტუ­დენ­ტ­თათ­ვის სა­ერ­თო საც­ხოვ­რებ­ლე­ბის პრობ­ლე­მას არა მხო­ლოდ თსუ-სთვის, არა­მედ სხვა უნი­ვერ­სი­ტე­ტე­ბის­თ­ვი­საც.
ჩვენ ვა­მა­ყობთ, რომ სა­ქარ­თ­ვე­ლო­ში პირ­ვე­ლი უნი­ვერ­სი­ტე­ტი დღე­საც ლი­დე­რია და რე­გი­ონ­ში პირ­ვე­ლი ად­გი­ლი უკა­ვია კვლე­ვე­ბის, იმ­პაქტ-ფაქ­ტო­რი­ან გა­მო­ცე­მებ­ში პუბ­ლი­კა­ცი­ე­ბის მი­ხედ­ვით და მსოფ­ლი­ოს სა­უ­კე­თე­სო უნი­ვერ­სი­ტე­ტე­ბის 2%-ში შე­დის.
უპირ­ვე­ლეს ყოვ­ლი­სა, სტუ­დენ­ტებს, პრო­ფე­სორ-მას­წავ­ლებ­ლებს, მეც­ნი­ერ-თა­ნამ­შ­რომ­ლებს და უნი­ვერ­სი­ტე­ტის ყვე­ლა თა­ო­ბის კურ­ს­დამ­თავ­რე­ბულს (ჩვენ ხომ 300 000-ზე მეტ­ნი ვართ) ვუ­ლო­ცავ ივა­ნე ჯა­ვა­ხიშ­ვი­ლის სა­ხე­ლო­ბის თბი­ლი­სის სა­ხელ­მ­წი­ფო უნი­ვერ­სი­ტე­ტის 100 წლის იუ­ბი­ლეს!

გიორგი შარვაშიძე, თსუ-ის რექტორი

 

გილოცავთ კავკასიაში პირველი ეროვნული უნივერსიტეტის დაფუძნებიდან 100 წლის იუბილეს. განათლება თავისუფლებაა და ამის ერთ-ერთი თვალსაჩინო მაგალითი სწორედ ივანე ჯავახიშვილის სახელობის თბილისის სახელმწიფო უნივერსიტეტია, რომელიც საქართველოს ისტორიის უმნიშვნელოვანეს პერიოდში დამოუკიდებლობის მოპოვების პარალელურად შეიქმნა. უნივერსიტეტის შექმნის იდეა სწორედ თავისუფალ, ქვეყნის განვითარების მისიის მატარებელ ადამიანებს ეკუთვნით, რადგან შეუძლებელია თავისუფლება განათლების გარეშე და პირიქით. დღეს უკვე რთული და პერიპეტიებით აღსავსე ასწლეულის გავლის შემდეგ, თბილისის სახელმწიფო უნივერსიტეტი ჩვენთვის არა მხოლოდ თავისუფლებასთან და დამოუკიდებლობასთან, არამედ ეროვნული მიზნებისათვის ბრძოლასთან, განვითარებასთან, ერთიანობასთან და, რაც მთავარია, უკეთეს მომავალ თაობასთან ასოცირდება. თბილისის სახელმწიფო უნივერსიტეტმა შეძლო არა მარტო სხვადასხვა დარგის უმაღლესი რანგის სპეციალისტები აღეზარდა, არამედ ეროვნული ღირებულებები ჩაენერგა თითოეული სტუდენტისთვის. სწორედ ამ უდიდესი მისიის გამოა ის გამორჩეული სასწავლებელი.
მოხარული ვარ, რომ წლევანდელი საიუბილეო ღონისძიებები იუნესკოს ეგიდით იმართება და იმედს გამოვთქვამ, ახლო მომავალში, უნივერსიტეტის მმართველობის ძალისხმევით, პირველი ქართული უმაღლესი სასწავლებელი უმაღლეს სიმაღლეებს მიაღწევს და გამორჩეული გახდება არა მარტო რეგიონში, არამედ ევროპაშიც.
კიდევ ერთხელ გილოცავთ და წარმატებულ საიუბილეო წელს გისურვებთ!

კახა კალაძე, ქ. თბილისის მერი

ვრცლად

დღეს აღდგენილი „უნივერსიტეტის საზოგადოების“ მიზანი უნდა გახდეს უნივერსიტეტის ყოველმხრივ გაძლიერება

2017 წლის 15 დეკემბერი თბილისის სახელმწიფო უნივერსიტეტისთვის ისტორიული დღეა – ამ დღეს აღდგა „ქართული უნივერსიტეტის საზოგადოება“, რომელმაც საუკუნის წინ კავკასიაში პირველი უნივერსიტეტის დაარსება განაპირობა. ამავე ღონისძიებით დაიწყო უნივერსიტეტის საუკუნოვანი იუბილეს აღნიშვნაც!
„ქართული უნივერსიტეტის“ საზოგადოების აღდგენა შეკრებილ სტუმრებს რექტორმა გიორგი შარვაშიძემ ამცნო და განაცხადა, რომ საზოგადოება, უპირველესად, ორიენტირებული იქნება ნიჭიერი სტუდენტების გამოვლენაზე და მხარდაჭერაზე: „სტუდენტი არის ცენტრი ყველაფრისა, რის გარშემოც აიგო უნივერსიტეტი თავის დროზე და დღემდე ეს პრინციპი არის ურყევი. დღეს ჩვენ გვაქვს საშუალება, რომ კონსტიტუციაში დავაფიქსიროთ უნივერსიტეტის ავტონომია. ეს არის გაგრძელება იმ ისტორიისა, რომელიც 100 წლის წინ დაიწყო“, – აღნიშნა გიორგი შარვაშიძემ. 
„ქართული უნივერსიტეტის საზოგადოების“ აღდგენის ღონისძიებას დაესწრნენ საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი, უწმინდესისა და უნეტარესის, სრულიად საქართველოს კათალიკოს-პატრიარქის მოსაყდრე მეუფე შიო, საქართველოს განათლებისა და მეცნიერების მინისტრი მიხეილ ჩხენკელი, ქალაქ თბილისის მერი კახა კალაძე და მოწვეული სტუმრები. 
საზოგადოება, რომელიც უნივერსიტეტის განვითარებაზე ზრუნვას ისახავს მიზნად, თბილისის სახელმწიფო უნივერსიტეტის კურსდამთავრებულებსა და მის მხარდამჭერებს გააერთიანებს. მას ცნობილი ქართველი მეცნიერი, ლუნდის (შვედეთი) უნივერსიტეტის პროფესორი ზაალ კოკაია უხელმძღვანელებს.

 

100 წლის წინ...

„ქართული უნივერსიტეტის საზოგადოება“ 1917 წელს შეიქმნა და კავკასიის რეგიონში პირველი ეროვნული უნივერსიტეტის დაფუძნებას ისახავდა მიზნად. უნივერსიტეტის საზოგადოების დამფუძნებლები პირველად 1917 წლის 12 მაისს თბილისში, პეტრე მელიქიშვილის ბინაში შეიკრიბნენ. მას სულ 28 კაცი ესწრებოდა. კრებას ხელმძღვანელობდა ექვთიმე თაყაიშვილი. 

კრების დადგენილების თანახმად, დაფუძნდა „ქართული თავისუფალი უნივერსიტეტის“ საზოგადოება, რომელმაც დიდი როლი ითამაშა უნივერსიტეტის დაარსების საქმეში. ამ კრებაზე ისტორიული სიტყვა წარმოთქვა ივანე ჯავახიშვილმა, რომელმაც უნივერსიტეტის დაარსების აუცილებლობა დაასაბუთა: „ყოველი ერის მეცნიერებას მსოფლიო გონებრივ შემოქმედებისათვის იმდენად აქვს მნიშვნელობა, რადგანაც იგი საერთო კაცობრიობის სალაროში საკუთარ წვლილს შეიტანს და თავისებურობას გამოიჩენს... ქართული უნივერსიტეტი ერთსა და იმავე დროს სამეცნიერო კვლევა-ძიების და ცდის დაწესებულებაც უნდა იყოს და უმაღლესი სამეცნიერო სასწავლებელიც, სადაც მეცნიერების შესწავლა და სამეცნიერო მუშაობის მეთოდების და პრაქტიკის შეთვისება შესაძლებელი იქნება. ამ უნივერსიტეტის პროფესორები და ხელმძღვანელნი მარტო ლექციების მკითხველნი კი არ უნდა იყვნენ, არამედ უპირველესად ყოვლისა მეცნიერნი და მკვლევარნი, რომელნიც თავიანთ ნაშრომებით მეცნიერების წარმატებას უნდა უწყობდნენ ხელს და მეცნიერებაზე ცხოველ მისაბაძავი მაგალითიც იყვნენ მოზარდ თაობისათვის“, – ასე განუსაზღვრავს უნივერსიტეტის ფუნქცია ივანე ჯავახიშვილს.
„ქართული უნივერსიტეტის საზოგადოებამ“ ამ შეხვედრაზე აიღო პასუხისმგებლობა, რომ ნახევარი წლის განმავლობაში ჩაატარებდა მოსამზადებელ სამუშაოებს უნივერსიტეტის გახსნისათვის. 
საზოგადოება ორი მიმართულებით მუშაობდა – 1) ინტელექტუალური შრომა, რომელიც განსაზღვრავდა – ვინ უნდა ყოფილიყო მოწვეული პირველ ქართულ უნივერსიტეტში, ვის რა საგანი უნდა წაეკითხა და ა.შ და 2) ფინანსების მოძიება. 
საზოგადოებაში გაწევრიანდა საქართველოში მცხოვრები ბევრი ადამიანი. საარქივო დოკუმენტებში შემონახულია მონაწილეთა სია, ვინაობა, მათ მიერ გადახდილი თანხა და ა.შ. დადგენილი იყო, რომ საზოგადოების წევრობისთვის ერთჯერადად იხდიდნენ 300 მანეთს და შემდეგ ყოველწლიურად 25 მანეთს.
1917 წლის შემოდგომაზე უნივერსიტეტის დამფუძნებელთა მუშაობა უმაღლესი სასწავლებლის გასახსნელად კიდევ უფრო ფართოდ გაიშალა. 
1917 წლის 3 ოქტომბერს ქართული უნივერსიტეტის საზოგადოების პირველ საერთო კრებაზე ივანე ჯავახიშვილმა უნივერსიტეტის „დებულებანი და წესდება“ წარადგინა. მალევე – 6 დეკემბერს, მან საზოგადოების გამგეობის კრებას გააცნო უნივერსიტეტის მომავალი სასწავლო წლის სავარაუდო ხარჯთაღრიცხვა, რომელიც 200 000 მანეთით განისაზღვრა, თანაც მხოლოდ იმ შემთხვევაში, თუ მხოლოდ სიბრძნისმეტყველების ფაკულტეტი იქნებოდა გახსნილი. საბუნებისმეტყველო საგნების სწავლება უნივერსიტეტში მხოლოდ 1918 წლის სექტემბრიდან შეიძლებოდა, ხოლო სამკურნალო ფაკულტეტის გახსნა ორ წელზე ადრე ვერ მოხერხდებოდა. დიდხანს კამათობდნენ უნივერსიტეტის გახსნის ზუსტ თარიღთან დაკავშირებით. შემოწირული თანხის სიმცირის გამო გამგეობის ზოგიერთი წევრი უნივერსიტეტის გახსნის გადადებას უჭერდა მხარს, ივანე ჯავახიშვილი კი პრინციპულად მოითხოვდა, რომ უნივერსიტეტი უეჭველად 1918 წლის იანვარში გახსნილიყო.
1917 წლის 15 დეკემბერს (ძვ. სტილით 2 დეკემბერს) ამიერკავკასიის კომისარიატმა უნივერსიტეტის წესდების ძირითადი დებულება საბოლოოდ დაამტკიცა. შედეგად, ზუსტად 100 წლის წინ, 1917 წლის 15 დეკემბერს (ძვ. სტილით 2 დეკემბერს) თბილისის სახელმწიფო უნივერსიტეტი იურიდიულად დაფუძნდა, რაშიც სწორედ „ქართული უნივერსიტეტის საზოგადოებამ“ შეიტანა დიდი წვლილი (მასალები წიგნიდან „პროფესორთა საბჭოს ოქმები“).


100 წლის შემდეგ

ზუსტად 100 წლის შემდეგ, 2017 წლის 15 დეკემბერს „უნივერსიტეტის საზოგადოებამ“ კიდევ ერთხელ აიღო პასუხისმგებლობა, რომ, კურსდამთავრებულებთან აქტიური კომუნიკაციის საფუძველზე, თბილისის სახელმწიფო უნივერსიტეტი მყარად დაიკავებს ადგილს მსოფლიოს მოწინავე უნივერსიტეტებს შორის. 
საქართველოს პრეზიდენტმა გიორგი მარგველაშვილმა ღონისძიებაზე ისაუბრა უნივერსიტეტის განსაკუთრებულ ფუნქციაზე, რომელიც მან ქართული სახელმწიფოს გაძლიერებაში შეიტანა და აღნიშნა, რომ „აქ საფუძველი ჩაეყარა იმ პატრიოტულ სულისკვეთებას, რომელსაც უნდა მოეტანა ახალი დამოუკიდებლობის აღდგენა, შეექმნა ახალი თაობა, რომელიც იტვირთავდა ქვეყნის მომავალ მართვას; აქედან ანათებდა იმედი დაკარგული სახელმწიფოებრიობის აღდგენისა. როცა ვსაუბრობთ იმ ღვაწლზე, რომლითაც შეიქმნა ახალი სახელმწიფო, უდიდესი ინტელექტუალური, ემოციური და პატრიოტული წვლილი, სწორედ უნივერსიტეტზე მოდის“, – განაცხადა გიორგი მარგველაშვილმა.
პრემიერ-მინისტრმა გიორგი კვირიკაშვილმა ისაუბრა იმ სახელმწიფო გადაწყვეტილების შესახებ, რომლის თანახმადაც, უმოკლეს ხანში დაიწყება კულტურული მემკვიდრეობის ძეგლის – თსუ-ის II კორპუსის რეაბილიტაცია; ასევე, სარეაბილიტაციო სამუშაოები განხორციელდება თბილისის სახელმწიფო უნივერსიტეტის რაფიელ აგლაძის არაორგანული ქიმიისა და ელექტროქიმიის ინსტიტუტსა და უნივერსიტეტის ეკონომიკის საერთაშორისო სკოლაში (ISET). „თბილისის სახელმწიფო უნივერსიტეტი ყოველთვის იყო გაცილებით უფრო დიდი ღირებულება და ფასეულობა, ვიდრე ეს არის მხოლოდ საგანმანათლებლო კერა. ეს ყოველთვის იყო კულტურის კერა და ჩვენი სახელმწიფოებრიობის ბურჯი იმ ურთულესი წლების განმავლობაში, როდესაც კითხვის ნიშნის ქვეშ იდგა ჩვენი სახელმწიფოებრიობის შენარჩუნება“, – აღნიშნა პრემიერ-მინისტრმა.
უნივერსიტეტის საიუბილეო დღეებისადმი მიძღვნილ ღონისძიებებზე გაამახვილა ყურადღება საქართველოს განათლებისა და მეცნიერების მინისტრმა მიხეილ ჩხენკელმა, რომელმაც აღნიშნა, რომ გაისად მეცნიერების ფესტივალი უნივერსიტეტის 100 წლის იუბილეს მიეძღვნება და თბილისის სახელმწიფო უნივერსიტეტში გაიმართება. „დღეს აღდგა „ქართული უნივერსიტეტის საზოგადოება“, სადაც ყველას აქვს საშუალება, რომ თავისი წვლილი შეიტანოს უნივერსიტეტის განვითარების ძალიან მნიშვნელოვან საქმეში. მინდა, მივულოცო უნივერსიტეტელებს და მთელ საქართველოს დღევანდელი ძალიან მნიშვნელოვანი დღე. განათლების და მეცნიერების სამინისტრო სხვა მრავალ პროექტთან ერთად დაიწყებს 3000 სტუდენტისთვის გათვლილი საერთო საცხოვრებლის მშენებლობას“, – განაცხადა მან. 
უნივერსიტეტში შეკრებილი საზოგადოება დალოცა სრულიად საქართველოს კათალიკოს-პატრიარქის მოსაყდრემ მეუფე შიომ, რომელმაც განსაკუთრებით გაუსვა ხაზი უნივერსიტეტის დამსახურებას ერის სულიერების შენარჩუნებაში: „უნივერსიტეტის დაარსება იყო ერთ-ერთი გადამწყვეტი და უმნიშვნელოვანესი მოვლენა ჩვენი სახელმწიფოებრიობის ისტორიაში. იგი, საგანმანათლებლოსთან ერთად, არის სულიერი ღირებულებების ცენტრი, ცენტრი სულიერი და ეკლესიური აზროვნების გადარჩენისა“, – აღნიშნა მან.
ქართული უნივერსიტეტის საზოგადოების მნიშვნელობაზე ისაუბრა საზოგადოების თავმჯდომარემ, თსუ-ის კურსდამთავრებულმა, ლუნდის (შვედეთი) უნივერსიტეტის პროფესორმა ზაალ კოკაიამ: „უნივერსიტეტი არის არა მხოლოდ ის ადგილი, სადაც ვყალიბდებით როგორც პროფესიონალები, მოაზროვნეები, არამედ, როგორც საზოგადოების წევრები. უნივერსიტეტი ყველასია. მას არ აქვს სოციალური, ეროვნული, რელიგიური, გენდერული, პოლიტიკური თუ სხვა კუთვნილება. ის ეკუთვნის საზოგადოებას. ბუნებრივია, ჩვენ ყველას გვიჩნდება სურვილი, რომ, გარკვეულწილად, ხარკი გადავუხადოთ უნივერსიტეტს – ის, რაც ჩვენ მივიღეთ უნივერსიტეტში და გაგვყვა მთელი ცხოვრების მანძილზე, შეძლებისდაგვარად უკან დავუბრუნოთ – შევიტანოთ ჩვენი წვლილი ალმა მატერის კეთილდღეობასა და შენებაში!“ – მიმართა საზოგადოებას ზაალ კოკაიამ.


ფაქტი/შეფასება/კომენტარი

იმ ხალხს, რომელსაც დღეს დაევალება ამ საზოგადოების გაძღოლა, არც გაუწყვეტია კავშირი თავის წინაპარ საზოგადოებასთან

თამაზ კვაჭანტირაძე, პროფესორი, თსუ-ის კურსდამთავრებული:

– „უნივერსიტეტის საზოგადოების“ აღდგენა დიდი საქმეა. დღეს ყველაფერი „გატრიზავებულია“ და საზოგადოების ერთ ნაწილში, სამწუხაროდ, აბუჩად აგდების განწყობაა. არადა, უნივერსიტეტი მართლა წმინდა ადგილია. მაშინ, როდესაც დიდმა ივანემ ეს უნივერსიტეტი შექმნა, მისი ფუნქცია საქართველოს გადარჩენა იყო და დიდი მოსამზადებელი ბალავარი ჩადო უნივერსიტეტმა საქართველოს გადასარჩენად. ვინ იცის, იქნებ დღესაც დადგა ის ჟამი, როდესაც ჩვენ ეროვნულ გადარჩენაზე უნდა ვიზრუნოთ? ამიტომ, ამ საზოგადოების აღდგენა ძალიან მნიშვნელოვანია. იმ ხალხს, რომელსაც დღეს დაევალება ამ საზოგადოების გაძღოლა, არც გაუწყვეტია კავშირი თავის წინაპარ საზოგადოებასთან. ამიტომ ჩვენ ვალდებულიც ვართ, მცირე წვლილი შევიტანოთ და გავაგრძელოთ დიდი ივანეს დაწყებული საქმე.


უნივერსიტეტი და უნივერსიტეტელები კიდევ მეტად იაქტიურებენ, რომ ხვალინდელი საქართველო იყოს უფრო მშვიდი და მდიდარი

ნოდარ ხადური, პროფესორი, თსუ-ის კურსდამთავრებული:

– დღეს არის 100 წლის იუბილე მას შემდეგ, რაც თბილისის სახელმწიფო უნივერსიტეტი ოფიციალურად დაფუძნდა. მიხარია, რომ „უნივერსიტეტის საზოგადოების“ აღდგენის ინიციატივა ზუსტად ამ დღეს გაცოცხლდა და მეც ამ პროცესის მონაწილე ვარ. უნივერსიტეტი არ არის მხოლოდ სასწავლო და სამეცნიერო დაწესებულება. ის არის პრაქტიკულად ყველა დიდი ნაბიჯის დასაწყისი საქართველოში. დარწმუნებული ვარ, რომ უნივერსიტეტი და უნივერსიტეტელები კიდევ მეტად იაქტიურებენ, რომ ხვალინდელი საქართველო იყოს უფრო მშვიდი და მდიდარი.

 

მეც მეძლევა შესაძლებლობა – ჩემი წვლილი შევიტანო უნივერსიტეტის განვითარების მნიშვნელოვან საქმეში

მიხო სვიმონიშვილი, ბიზნესმენი, თსუ-ის კურსდამთავრებული:

– 100 წლის შემდეგ ისევ დადგა ის დღე, როცა ჩვენი სახელოვანი თანამემამულეების მიერ დაარსებული საზოგადოება ახალ სიცოცხლეს იძენს. მაშინ განათლება იყო ჩვენი ქვეყნის წარმატების ერთადერთი გზა. დღესაც იგივე მდგომარეობაშია საქართველო და ვიცით, რომ განათლების გარეშე არაფერი გამოვა. ეს კერა, სადაც ახლა ჩვენ ვდგავართ, იმ შემოწირულობებით შეიქმნა, რომელსაც ამ საზოგადოებამ მოუყარა თავი. მიხარია, რომ მომიწვიეს უნივერსიტეტის საზოგადოების აღდგენის ღონისძიებაზე და მეც მეძლევა შესაძლებლობა – ჩემი წვლილი შევიტანო უნივერსიტეტის განვითარების მნიშვნელოვან საქმეში.

 

მიხარია, რომ შესაძლებლობა მაქვს – ამ ისტორიულ მოვლენაში მივიღო მონაწილეობა

შოთა ცხოვრებაშვილი, პროფესორი, თსუ-ის კურსდამთავრებული:

– ამ საზოგადოების აღდგენას დიდი მნიშვნელობა აქვს უნივერსიტეტის განვითარებისთვის. აქ 83 წელი გავატარე, ჯერ, როგორც სტუდენტმა, ხოლო შემდეგ უკვე, როგორც გეოგრაფიის კათედრის თანამშრომელმა და გამგემ. ორ წელიწადში 100 წლისა გავხდები. მიხარია, რომ მომიწვიეს და შესაძლებლობა მაქვს – ამ ისტორიულ მოვლენაში მივიღო მონაწილეობა. უნივერსიტეტი იყო და არის საქართველოს განათლებისა და მეცნიერების კერა და ყველა უნივერსიტეტელმა თავისი წვლილი უნდა შეიტანოს მის განვითარებასა და განმტკიცებაში.

 

ეს დღე არის არა მხოლოდ თბილისის უნივერსიტეტის, არამედ სრულიად საქართველოს და ყველა უნივერსიტეტელის დღესასწაული

ლადო პაპავა, აკადემიკოსი, თსუ-ის კურსდამთავრებული:

– 100 წლის წინ ამ საზოგადოების შექმნით საფუძველი ჩაეყარა ქართულ უნივერსიტეტს. ეს იყო სამართლებრივი დაბადების დღე, თუმცა უნივერსიტეტი გაიხსნა მაშინ, როცა პირველი ლექცია ჩატარდა. ქართული ცნობიერებისთვის ეს ნიშნავდა შემობრუნებას საქართველოსკენ და იმ ტრადიციებისკენ, რომელიც მას, ჯერ კიდევ, შუა საუკუნეებში – გელათის და იყალთოს აკადემიების სახით გააჩნდა. ეს იყო ქართველი ხალხის სწრაფვა განათლებისა და მეცნიერებისკენ და რეალურად ასეც მოხდა – თბილისის სახელმწიფო უნივერსიტეტი გახდა არა ერთი უმაღლესი სასწავლო დაწესებულების თუ სამეცნიერო-კვლევითი ორგანიზაციის, მათ შორის, მეცნიერებათა ეროვნული აკადემიის აკვანი. ამიტომ ეს დღე არის არა მხოლოდ თბილისის უნივერსიტეტის, არამედ სრულიად საქართველოს და ყველა უნივერსიტეტელის დღესასწაული.

 

მიმაჩნია, რომ ახლად აღდგენილი საზოგადოებაც იმ სულისკვეთებით უნდა იყოს განმსჭვალული, რომლითაც – მისი წინამორბედი

ზურაბ გაიპარაშვილი, უნივერსიტეტის ბიბლიოთეკის ხელმძღვანელი, თსუ-ის კურსდამთავრებული:

– თბილისის უნივერსიტეტი, ფაქტობრივად, გაიხსნა „ქართული უნივერსიტეტის საზოგადოების“ მხარდაჭერით. ამ საზოგადოების შექმნით ივანე ჯავახიშვილმა გადადგა პირველი ნაბიჯი უნივერსიტეტის დასაარსებლად და საზოგადოების მხრიდან მხარდაჭერის მოსაპოვებლად, რადგან სახელმწიფო მხოლოდ ხელს უშლიდა მიზნის განხორციელებაში. „ქართული უნივერსიტეტის საზოგადოებაში“ გაერთიანდა საზოგადოების საუკეთესო ნაწილი და ყველა ფენის წარმომადგენელმა მიიღო მონაწილეობა მის მუშაობაში. ამ საზოგადოების გამგეობის სხდომებზე ჩამოყალიბდა მომავალი უნივერსიტეტის სტრუქტურა, ამ საზოგადოებას გააცნო ივანე ჯავახიშვილმა უნივერსიტეტის დებულება, ამ საზოგადოების წევრებმა დაადგინეს მოწვეული მასწავლებლების სია და ა.შ. მიუხედავად იმისა, რომ მაინცდამაინც სერიოზული სახსრების შეგროვება ვერ მოხერხდა, მაინც, ამ საზოგადოებამ დიდი როლი ითამაშა უნივერსიტეტის დაარსებაში. მან მიიტანა საქმე 15 დეკემბრამდე, როცა ოფიციალურად დამტკიცდა ჩვენი უნივერსიტეტის დებულება. აქედან იწყება უნივერსიტეტი.
პირადად მე აღფრთოვანებული ვარ ამ იდეით, რომელიც უნივერსიტეტის რექტორს გიორგი შარვაშიძეს ეკუთვნის, და მიმაჩნია, რომ ახლად აღდგენილი საზოგადოებაც იმ სულისკვეთებით უნდა იყოს განმსჭვალული, რომლითაც – მისი წინამორბედი. „ქარათული უნივერსიტეტის საზოგადოების“ პირველი შემადგენლობის მიზანი იყო – დაეფუძნებინა უნივერსიტეტი, დღეს აღდგენილი საზოგადოების მიზანი კი უნდა გახდეს უნივერსიტეტის გაძლიერება. იმედი მინდა ვიქონიო, რომ წლების შემდეგ მომავალი თაობა გაიხსენებს, რამდენად შეუწყო მან ხელი 100 წლის უნივერსიტეტის განვითარებას.

 

სტუდენტებს უნდა დავეხმაროთ ჯანსაღი ცხოვრების წესის დამკვიდრებასა და კრეატიული ინდუსტრიის განვითარებაში.

მიხეილ გიორგაძე, საქართველოს კულტურისა და ძეგლთა დაცვის მინისტრი, თსუ-ის კურსდამთავრებული:

– თბილისის სახელმწიფო უნივერსიტეტი იყო პირველი უნივერსიტეტი კავკასიაში და მან საფუძველი ჩაუყარა პირველი ევროპული ტიპის ქართულ სკოლას. ბუნებრივია, 100 წლის იუბილე მნიშვნელოვანი, სიმბოლური და ჩემთვის, როგორც უნივერსიტეტელისთვის, ამაღელვებელია.
„უნივერსიტეტის საზოგადოებას“, რომელიც დღეს აღდგა, დიდი მისია აქვს შესასრულებელი და ჩვენ, ჩვენი კომპეტენციისა და შესაძლებლობის ფარგლებში, მხარში უნდა დავუდგეთ მას. ვფიქრობ, ძალიან აქტიური ინტერაქცია უნდა იყოს სტუდენტებთან და ახალგაზრდებთან. ჩვენი მხრიდან კი უნდა დავეხმაროთ მათ ჯანსაღი ცხოვრების წესის დამკვიდრებასა და კრეატიული ინდუსტრიის განვითარებაში, სადაც სტუდენტები წამყვანნი იქნებიან. საქართველოს კულტურისა და ძეგლთა დაცვის სამინისტრო ხელს შეუწყობს მათ ყველა სასიკეთო ღონისძიებაში.

ვრცლად

ალექსანდრე ცისკარიძე ვიცე-რექტორად დაინიშნა

თსუ-ის მედიცინის ფაკულტეტის ნევროლოგიისა და ნეიროქირურგიის კათედრის პროფესორი, დარგის საერთაშორისოდ აღიარებული ექსპერტი ალექსანდრე ცისკარიძე რექტორის მოადგილედ დაინიშნა. 
რექტორის მოადგილეობამდე ალექსანდრე ცისკარიძე 2009 წლიდან თსუ-ის მედიცინის ფაკულტეტის დეკანი იყო. იგი არის ინსულტის ევროპული ორგანიზაციის ერთ-ერთი დამფუძნებელი და სხვა მრავალი საერთაშორისო საზოგადოების წევრი, არაერთი საერთაშორისო და ეროვნული სამეცნიერო ჯილდოს მფლობელი, რამდენიმე საერთაშორისო ჟურნალის სარედაქციო საბჭოს წევრი და რეცენზენტი.


„თბილისის სახელმწიფო უნივერსიტეტი 100 წლის ხდება. საუკუნოვან იუბილეს იუნესკოს ეგიდით აღვნიშნავთ. ამ ღონისძიების ლაიტმოტივი იქნება ის, რომ უნივერსიტეტში შეიქმნება და განვითარდება ძლიერი კვლევითი ბაზა. ამას, რა თქმა უნდა, სჭირდება მაღალპროფესიული მიდგომა. ამ გადასახედიდან გაცნობებთ, რომ ალექსანდრე ცისკარიძე თსუ-ის პრორექტორი გახდა“, – განაცხადა გიორგი შარვაშიძემ. 
ალექსანდრე ცისკარიძის რექტორის მოადგილედ დანიშვნას განათლებისა და მეცნიერების მინისტრი მიხეილ ჩხენკელი გამოეხმაურა. თსუ-ის ყოფილმა პრორექტორმა მას ახალი მოვალეობის შესრულების პროცესში წარმატებები უსურვა და სრული მხარდაჭერა აღუთქვა. 
„ჩემი პრორექტორობის პერიოდში მე და ბატონი ალექსანდრე ხშირად ვმუშაობდით ერთად. იგი ბრწყინვალე ორგანიზატორია და თავისი საქმის პროფესიონალი. მიხარია, რომ მან თსუ-ში სამეცნიერო მიმართულება ჩაიბარა. განათლებისა და მეცნიერების სამინისტროს სახელით ვიტყვი, რომ თბილისის სახელმწიფო უნივერსიტეტის ინიციატივებს, მათ შორის სამეცნიერო მიმართულებით, სრული მხარდაჭერა ექნება“, – აღნიშნა მიხეილ ჩხენკელმა. 
თსუ-ის მედიცინის ფაკულტეტის დეკანის თანამდებობაზე 29 ნოემბერს ფაკულტეტის საბჭომ დეკანის მოვალეობის შემსრულებლად ყოფილი მოადგილე, პროფესორი დიმიტრი კორძაია აირჩია. მედიცინის ფაკულტეტის საბჭომ დეკანის არჩევნების ჩატარების თარიღად 2018 წლის 22 იანვარი გამოაცხადა. დეკანის თანამდებობის დაკავების მსურველი პირების განცხადებების მიღება 2018 წლის 8 იანვრიდან დაიწყება და 18 იანვარს დასრულდება.

ვრცლად

უნივერსიტეტის პრორექტორი საქართველოს განათლების მინისტრი გახდა

თსუ-ის ვიცე-რექტორი მიხეილ ჩხენკელი საქართველოს განათლებისა და მეცნიერების მინისტრად 14 ნოემბერს დაინიშნა.
„გპირდებით, მთელ ჩემს ენერგიას, ცოდნასა და გამოცდილებას მოვახმარ საქართველოში განათლებისა და მეცნიერების განვითარებას. ყველა ახალგაზრდამ უნდა იგრძნოს, რომ სახელმწიფო მასზე ზრუნავს – აცხადებს ახლად დანიშნული მინისტრი. მიხეილ ჩხენკელის თქმით, ქვეყანაში განათლების ხარისხის გაუმჯობესება მისი მთავარი პრიორიტეტი იქნება.
საზოგადოება დიდი იმედით შეხვდა მიხეილ ჩხენკელის მინისტრად დანიშვნას და აქედანვე ნდობას უცხადებენ – რომ მდიდარი ბიოგრაფიისა და განათლების სფეროში დიდი გამოცდილების მქონე აწ უკვე მინისტრი მიხეილ ჩხენკელი წარმატებული რეფორმატორის იმიჯსაც მოირგებს. უნივერსიტეტში მას საქმის კაცის სახელი ჰქონდა და სტუდენტები კომუნიკაბელურ და კონსტრუქციულ ვიცე-რექტორად მოიხსენიებენ.
საუნივერსიტეტო საზოგადოება ყოფილ პრორექტორს ახალ პოსტზე წარმატებებს უსურვებს და მისგან ელოდება არაერთ სიახლეს, რაც ქვეყანასაც და უნივერსიტეტსაც წაადგება.

„აუდიტორია 115“ განათლების ახალ მინისტრს თანამშრომლობას სთავაზობს

განცხადება
საზოგადოებისთვის ცნობილი გახდა, რომ განათლებისა და მეცნიერების მინისტრს, ალექსანდრე ჯეჯელავას მიხეილ ჩხენკელი ჩაანაცვლებს.
მივესალმებით ბატონი მიხეილის დანიშვნას აღნიშნულ თანამდებობაზე. მისი თსუ-ში მუშაობა განსაკუთრებით ნაყოფიერი გამოდგა სტუდენტებისა და პროფესორ-მასწავლებლებისთვის. სწორედ მის სახელს უკავშირდება თბილისის სახელმწიფო უნივერსიტეტში გატარებული რეფორმა, რომელიც უზრუნველყოფს ყველა სტუდენტისთვის თანაბარ წვდომას უნივერსიტეტის ფინანსებთან.
იმედს ვიტოვებთ, რომ ის ასევე ღირსეულად გაართმევს თავს მინისტრის თანამდებობას და დაიწყებს განათლების სისტემის რადიკალურ გარდაქმნას.
„აუდიტორია 115“-ის არაერთი ინიციატივა, რომელიც ეხებოდა განათლების ხარისხისა თუ ხელმისაწვდომობის გაზრდას, მიუხედავად იმისა, რომ მოიწონეს წინა მინისტრებმაც, არ განხორციელდა პრაქტიკაში. მათ არ აღმოაჩნდათ შესაბამისი უნარი და კომპეტენცია ცვლილებების დასაწყებად.
ვინაიდან, ჩვენი მიზანია უმაღლესი განათლების სფეროში რადიკალური, პროგრესული რეფორმების გატარება და არა ხმაურიანი აქციების მოწყობა, ვთავაზობთ მინისტრს თანამშრომლობას, რათა ერთობლივი ძალისხმევით შევძლოთ რეალური ცვლილებების დაწყება.
იმედს ვიტოვებთ, რომ ბატონი მიხეილი ჩვენთან ერთად იქნება ბრძოლაში უნივერსიტეტისთვის საბიუჯეტო დაფინანსების მოსაპოვებლად, გარე რეფერირების პრინციპის დასანერგად, სტუდენტებს შორის თანასწორობის დასამკვიდრებლად, რომელიც გარანტირებული იქნება კანონით და ა.შ.

ვრცლად

წლის სა­უ­კე­თე­სო მეც­ნი­ე­რე­ბი თსუ-დან

2017 წლის „მეცნიერებისა და ინოვაციების საერთაშორისო ფესტივალი“ 10 ოქტომბერს გრანდიოზული ღონისძიებით დასრულდა – გამოცხადებული კონკურსის ფარგლებში წლის საუკეთესო მეცნიერები დაჯილდოვდნენ. ასევე, გამოვლინდნენ ფოტოკონკურსში და ჟურნალისტიკის სტუდენტურ კონკურსებში გამარჯვებულებიც.
„შოთა რუსთაველის საქართველოს ეროვნული სამეცნიერო ფონდის დაჯილდოებულთა შორის იყვნენ: ქართველოლოგიის დარგში მოღვაწე წლის საუკეთესო უცხოელი მეცნიერი – ტიმოთი ბლაუველტი; საქართველოს შემსწავლელ მეცნიერებებში მოღვაწე 2017 წლის საუკეთესო მეცნიერი – თამარ მახარობლიძე; საქართველოს შემსწავლელ მეცნიერებებში მოღვაწე 2017 წლის საუკეთესო ახალგაზრდა მეცნიერი – ლევან ტიელიძე; 2017 წლის საუკეთესო ახალგაზრდა მეცნიერი – გიორგი ტეფნაძე; 2017 წლის საუკეთესო მეცნიერი – რამაზ ქაცარავა; 2017 წლის საუკეთესო სამეცნიერო კვლევითი ჯგუფი – თემურ ზაქარაშვილი, ვასილ კუხიანიძე და დავით ქურიძე.
გამარჯვებულებმა მიიღეს როგორც ფულადი, ასევე, მინის გრავირებული ჯილდოები და სერტიფიკატები. გარდა ამისა, წელს პირველად, საკონკურსო კომისიის გადაწყვეტილებით, საქართველოში სამეცნიერო დარგის განვითარებაში შეტანილი წვლილისთვის დამსახურების სერტიფიკატები გადაეცა 24 მეცნიერს.

გამარჯვებულებს შორის იყვნენ ივანე ჯავახიშვილის სახელობის თბილისის სახელმწიფო უნივერსიტეტის მეცნიერები, სამეცნიერო კვლევითი ჯგუფი და სტუდენტები. საქართველოს შემსწავლელ მეცნიერებებში მოღვაწე 2017 წლის საუკეთესო მეცნიერად დასახელდა თსუ-ის გეოგრაფიის ინსტიტუტის მეცნიერი ლევან ტიელიძე; 2017 წლის საუკეთესო სამეცნიერო კვლევით ჯგუფად აღიარებულ იქნა თსუ-ის ფიზიკოსთა ერთი ჯგუფი რამაზ ლომსაძის, მალხაზ გოჩიტაშვილის, რომან კეზერაშვილის და ნუგზარ მოსულიშვილის შემადგენლობით, მეცნიერების თემაზე შექმნილი საუკეთესო სიუჟეტის ავტორად დასახელდა თსუ-ის დოქტორანტი თათია მთვარელიძე, ხოლო საუკეთესო საჟურნალე სტატიის ავტორად – თსუ-ის მასობრივი კომუნიკაციის დოქტორანტი სალომე ბელქანია.

ჩვენ გავესაუბრეთ გამარჯვებულ მეცნიერებს და დავინტერესდით, კონკრეტულად რა სამეცნიერო სამუშაოებისთვის მიენიჭათ მათ ეს ჯილდო.


სამომავლოდ ჩემი პრიორიტეტია საერთაშორისო თანამშრომლობის კიდევ უფრო გაძლიერება

ინტერვიუ გეოგრაფიის დოქტორთან, თსუ-ის გეოგრაფიის ინსტიტუტის მეცნიერთან, გლაციოლოგ-გეომორფოლოგთან ლევან ტიელიძესთან

– ლევან, თბილისის სახელმწიფო უნივერსიტეტის სამეცნიერო საზოგადოებისთვის უაღრესად სასიხარულოა ის ფაქტი, რომ გამარჯვებულთა შორის არის მის წიაღში აღზრდილი ახალგაზრდა მეცნიერი. კონკრეტულად რა პროექტის, ან ნაშრომისთვის მოგენიჭათ ეს ჯილდო?
– შოთა რუსთაველის საქართველოს ეროვნული სამეცნიერო ფონდის კონკურსი საუკეთესო მეცნიერისა და მეცნიერთა ჯგუფისთვის უკვე ორი წელია არსებობს. ჯილდო კონკურსანტს ენიჭება არა კონკრეტულად ერთი პროექტის ან ნაშრომისთვის, არამედ მეცნიერებაში აქტიური და ნაყოფიერი მოღვაწეობისთვის, აგრეთვე განსაკუთრებული მიღწევების დაფასებისთვის, საქართველოს მეცნიერებისა და საქართველოს შესახებ კვლევების წახალისების და პოპულარიზაციისთვის. ჩემ შემთხვევაში ეს იყო საქართველოს და კავკასიონის მყინვარების შესახებ ბოლო წლებში ჩატარებული კვლევის შედეგები, როგორც სამეცნიერო პუბლიკაციების და მონოგრაფიების სახით, ასევე საერთაშორისო თანამშრომლობის კუთხით. 
– რა სამეცნიერო ინტერესები გაქვთ ამჟამად?
– ჩემი კვლევები ეხება საქართველოს და კავკასიის მყინვარების შესწავლას როგორც თანამედროვე, ასევე გეოლოგიურ წარსულში. მაგალითად, რამდენიმე თვის წინ ჩავატარეთ კავკასიონის მყინვარების ინვენტარიზაცია, რომელიც ბოლო ნახევარი საუკუნეა, არ ჩატარებულა. მნიშვნელოვანია ის ფაქტი, რომ აღნიშნულ კვლევაში, უცხოურ სამეცნიერო კვლევით ცენტრებთან ერთად, ლიდერის ფუნქციას თსუ-ის გეოგრაფიის ინსტიტუტი ასრულებდა. კვლევებს ვატარებთ როგორც საველე, ასევე კოსმოსური სურათების და სხვა თანამედროვე მეთოდების გამოყენებით. 
მყინვარების შესწავლის პარალელურად, განვაახლეთ გეომორფოლოგიური კვლევები საქართველოს სხვადასხვა რეგიონებში, რომლის საფუძველზეც მომავალ წელს შვეიცარიაში, შპრინგერ ინტერნატიონალ-ის მიერ, დაიბეჭდება ინგლისურენოვანი მონოგრაფია.
– რამდენად მასტიმულირებელია თქვენთვის ეს ჯილდო? 
– მსგავსი ჯილდოების გადაცემა დიდი სტიმულია არა მხოლოდ ჩემთვის, არამედ სხვა ახალგაზრდა მეცნიერებისთვისაც, რომელთაც უკვე გაუჩნდათ სურვილი, რომ მომავალ წელს თვითონაც გახდნენ ამ ჯილდოს მფლობელები.
დავამატებდი იმას, რომ, სამწუხაროდ, მეცნიერება არც ისე პოპულარულია საქართველოში, განსაკუთრებით კი ახალგაზრდა თაობაში. ერთეული მეცნიერების წახალისების მიუხედავად, ჩვენს ქვეყანაში მეცნიერების განვითარებას კიდევ უფრო მეტი სტიმული, მხარდაჭერა, დაფასება და პირობების შექმნა სჭირდება. შესაბამისად, სასიცოცხლოდ მნიშვნელოვანია, რომ უნივერსიტეტებში და სამეცნიერო ინსტიტუტებში დაიხვეწოს და შეიქმნას შესაბამისი გარემო, სადაც მოხდება ახალგაზრდების დაინტერესება და მეცნიერებაში ჩართულობა. წინააღმდეგ შემთხვევაში, საქართველოდან წასული თითოეული ახალგაზრდა მეცნიერი უახლოეს მომავალში შეიძლება ძალიან ძვირად დაუჯდეს ჩვენ ქვეყანას.


აღიარება ფუნდამენტურ კვლევებში შეტანილი წვლილისათვის

ინტერვიუ ფიზიკა-მათემატიკის დოქტორთან, თსუ-ის ზუსტ და საბუნებისმეტყველო მეცნიერებათა ფაკულტეტის ატომური ფიზიკის სასწავლო-სამეცნიერო ლაბორატორიის გამგესთან რამაზ ლომსაძესთან

– ბატონო რამაზ, თქვენი სამეცნიერო ჯგუფის კვლევების შესახებ, რომელიც ატომურ ნაწილაკთა დაჯახებების ფიზიკას შეეხება, თბილისის სახელმწიფო უნივერსიტეტში ცნობილია. ორიოდე სიტყვით მოგვიყევით, კონკრეტულად რომელი კვლევითი პროექტებისთვის გამოგარჩიათ შოთა რუსთაველის საქართველოს ეროვნულმა სამეცნიერო ფონდმა?
– ბოლო სამი ათეული წლის განმავლობაში ატომურ ნაწილაკთა დაჯახებების ფიზიკისადმი ინტერესმა მნიშვნელოვან მასშტაბებს მიაღწია, თუმცა ამ დარგის სრულყოფილი განვითარება მეთოდურ ცვლილებებთანაა დაკავშირებული, მოითხოვს კვლევის კომპლექსურ მიდგომას და მკვლევართა მაღალ კვალიფიკაციას.
პირველ რიგში ასეთი საჭიროება იგრძნობა, როცა კვლევები ეხება ჩაკეტილი ელექტრონული გარსის მქონე ნაწილაკებს. რეალიზებული პროცესების შესახებ საიმედო მონაცემების მიღებას და წარმართვის მექანიზმების დადგენას ფუნდამენტური მნიშვნელობა გააჩნია და ინტერესი მსგავსი კვლევებისადმი დიდია. ამ ფაქტზე მეტყველებს მსგავს კვლევებში უცხოეთის წამყვანი ჯგუფების აქტიური ჩართულობა. ჩვენს ქვეყანაში აღნიშნული მიმართულებით მხოლოდ ჩვენი ექსპერიმენტული ჯგუფი მუშაობს, რომელიც ინტენსიურადაა ჩართული ხსენებულ დარგში არსებული პრობლემების გადაწყვეტაში. 
წლების განმავლობაში ჩვენს ჯგუფს დაუგროვდა დიდძალი გამოცდილება. მას ხელეწიფება წარმართოს არა მარტო რთული ექსპერიმენტული კვლევები, არამედ მიღებულ შედეგებს მოუძებნოს თეორიული ინტერპრეტაცია.
– ამგვარი კვლევების ჩასატარებლად, ცხადია, საერთაშორისო კავშირები დიდ როლს თამაშობს. თქვენ შემთხვევაში რომელ სამეცნიერო-კვლევით ცენტრებთან არის კომუნიკაცია და რა გამოცდილებას იძენთ ამ კავშირებით? 
– დიახ, ასეთი გამოცდილების შეძენა, გარკვეულწილად, კოლაბორაციული კავშირების შედეგიცაა. მაგალითად, მე, როგორც ჯგუფის ხელმძღვანელი, მრავალგზის ვიყავი მიწვეული გისენის (გერმანია), რენოს, როლას, ბერკლის, ნიუ-იორკის უნივერსიტეტებსა და ლაბორატორიებში კვლევითი სამუშაოების ჩასატარებლად. მიღებული შედეგები ასახულია მაღალრეიტინგულ სამეცნიერო ჟურნალებში. ჯგუფის წევრს მალხაზ გოჩიტაშვილს აქვს უცხოეთში მუშაობის გამოცდილება, კერძოდ, მუშაობდა სანკტ-პეტერბურგში და ჰოლანდიის „FOM“ ინსტიტუტში.
ამავე ჯგუფის ერთ-ერთი წევრი ნუგზარ მოსულიშვილი ასევე ჩართულია „ატლას“ (ცერნი) ექსპერიმენტებში, ხოლო კიდევ ერთი წევრი – რომან კეზერაშვილი წარმატებით ხელმძღვანელობს ნიუ იორკის ტექნოლოგიური კოლეჯის თეორიული ფიზიკის განყოფილებას.
კოლაბორაციულ კავშირებზე და ჩვენი ჯგუფის სისტემატურ კვლევებზე მიუთითებს აღნიშნულ დარგში შესრულებული 5 საკვალიფიკაციო ნაშრომი, 120-მდე გამოქვეყნებული შრომა, ბიულეტენებში და მონაცემთა ბაზაში შედეგების განთავსება. ჩვენ მიერ მიღებული შედეგები აღიარებულია უცხოელი კოლეგების მიერ. ამაზე მეტყველებს ერთობლივ გრანტებში ჩვენი ჯგუფის ჩართულობა და ჯგუფის წევრების სისტემატური მიწვევა საერთაშორისო კონფერენციებზე, მათ შორის, როგორც მიწვეულ ლექტორებად. 
– რა სამომავლო გეგმები აქვს თქვენს სამეცნიერო ჯგუფს?
– ჩვენ მიერ მიღებული და გამოქვეყნებული საიმედო მონაცემებით დაინტერესებულია სტანდარტებისა და ტექნოლოგიების ეროვნული ინსტიტუტი (აშშ). ასევე ჩვენ დაგვევალა, პასუხი გაგვეცა წლების განმავლობაში ჩაკეტილი გარსის მქონე ნაწილაკთა დაჯახების დროს რეალიზებულ პროცესებში არსებულ პრობლემებზე. ამ მიზნით, ჩვენს ჯგუფში შეიქმნა კვლევის გაუმჯობესებული მეთოდები, მოხერხდა ექსპერიმენტული დანადგარების ავტომატიზაცია. ჩვენი ჯგუფის მიერ კონსტრუირებულია ფართო შესაძლებლობების მქონე ანალიზატორი. კვლევის კომპლექსური მიდგომით მოგვეცა საშუალება – ამ სპეციფიკურ უმრავლეს საკვლევ წყვილებზე პირველად ჩაგვეტარებინა გაზომვები. ამჟამად სამეცნიერო ჯგუფი წარმატებით აგრძელებს სისტემატურ კვლევებს ასტროფიზიკური ამოცანების გადასაწყვეტად. მნიშვნელოვანი შედეგები გვაქვს მიღებული მაღალაღგზნებულ მოლეკულურ მდგომარეობათა შესწავლის მიზნით. 
ჯგუფი ოპერატიულად რეაგირებს კვლევის აქტუალურ და თანამედროვე გამოწვევებზე. ამ მხრივ საინტერესო გაზომვები ტარდება ჩვენ მიერ დაბალი ენერგიის (5-120 ევ) ელექტრონების დაჯახებით რთულ ბიოლოგიურ მოლეკულებზე, მათ შორის. ე.წ. „ფულორენებზე“. ამ ნივთიერებათა ფრაგმენტაციის შესწავლით მნიშვნელოვანი განაცხადი კეთდება ზეგამტარებსა და მედიცინაში. უახლოეს მომავალში მიღებული შედეგები აისახება ერთობლივ პუბლიკაციებში.

* * *
მალხაზ გოჩიტაშვილი, ფიზიკის აკადემიური დოქტორი, სამეცნიერო-კვლევითი ჯგუფის წევრი:

– მე ბირთვულ ფიზიკაშიც ვმუშაობ და ატომურ ფიზიკაშიც და უნდა ვთქვა, რომ ეს დარგი – ატომურ ნაწილაკთა დაჯახების ფიზიკა, პროგრესირებადია. ატომური დაჯახებები არის ყველაფრის საფუძველი და ამას მე სტუდენტებსაც ვასწავლი. უნდა აღვნიშნო, რომ ფიზიკის ბევრი მიმართულება განვითარებულა თავის დროზე და მერე მისი განვითარება შეჩერებულა, სრული კვეთებისადმი ინტერესი, კერძოდ, აბსოლუტური მნიშვნელობების გაზომვა და აქტუალობა კი არასოდეს მოკვდება, რადგან ეს არის როგორც ფუნდამენტური, ასევე გამოყენებითი დარგი. ვმუშაობდი ატმოსფეროში მიმდინარე პროცესებსა და მეტასტაბილური ნაწილაკების გაზომვაზე, რომელიც დღესაც აქტუალურია, რადგან სრული კვეთები ამ დარგში მომუშავე მეცნიერებსაც სჭირდებათ. მაგალითად, ბევრმა არ იცის, რომ მაგნიტური ქარიშხალი არის დამუხტული ნაწილაკების დიდი ნაკადი, რომელსაც მაგნიტური ველი მოჰყვება და დედამიწის მაგნიტური ველის შეშფოთებას იწვევს. ასეთ დროს ხდება ნაწილაკების აჩქარება ატმოსფეროს ზედა ფენაში, იწყება მათი ურთიერთქმედება აზოტის და ჟანგბადის მოლეკულებთან და, ამაზე რომ წარმოდგენა შეიქმნას, სწორედ ეს სრული კვეთები უნდა იყოს მაქსიმალურად ზუსტად გაზომილი. ამიტომ, ეს დარგი აქტუალობას არასოდეს დაკარგავს. 
მინდა ისიც დავამატო, რომ ჩვენი ნებისმიერი მოქმედება, სამეცნიერო კვლევა თუ აღიარება ახალგაზრდობის დაინტერესებისთვის უნდა გამოვიყენოთ. მათ გარეშე მომავალი არ იქნება.

ნუგზარ მოსულიშვილი, სამეცნიერო-კვლევითი ჯგუფის წევრი:

– ჩვენ ატომის ფიზიკის დარგში დიდი ხანია ვმუშაობთ, იმ დროიდან, როცა არც ტრანსპორტი იყო, არც შუქი გვქონდა და არც ხელფასი, მაგრამ არასოდეს გვიფიქრია ჯილდოზე. ამას ჩვენ ინტერესის და ფიზიკის სიყვარულის გამო ვაკეთებდით. ამ ყველაფრის „მოტორი“ იყო მაშინდელი ჩვენი ხელმძღვანელი ბორის კიკიანი, ზუსტად ისე, როგორც ახლა რამაზია ჩვენთვის. ჯგუფის აღიარება – ეს დიდი სტიმულია, რომ ვიღაცამ შეგვამჩნია და დაინახა ჩვენი შრომა. მარტო ჩვენ კი არა, ახალგაზრდებიც დაინახავენ, რომ სამეცნიერო შრომა ფასდება.

ვრცლად